ប៉េកាំង ៖ អាជ្ញាធរចិន បានប្រកាសផ្អាកជើងហោះហើរនិងខ្សែរថភ្លើងចាកចេញពីទីក្រុង វូហាន (Wuhan) បន្ទាប់ពីការពីផ្ទុះឡើងនូវវីរុសផ្លូវដង្ហើមប្រភេទថ្មី ចេញពីទីក្រុងមួយនេះ។នេះបើយោងតាមប្រភពពី CNA ។
អាជ្ញាធរចិនបានឲ្យដឹងនៅព្រឹកនេះថា វីរុសនេះបានរីករាលដាលពាសពេញប្រទេសចិននិងលើសពីនេះទៅទៀតមនុស្សចំនួន១៧នាក់បានស្លាប់និងជាង ៥០០ នាក់បានឆ្លងជំងឺ ខណៈអ្នកជំងឺភាគច្រើនបំផុត ស្ថិតនៅទីក្រុងនៃខេត្តហឺប៉ី (Hubei) ភាគកណ្តាលប្រទេសចិន។
បច្ចុប្បន្នក្រៅពីប្រទេសចិន ប្រទេសផ្សេងៗដូចជា សហរដ្ឋអាមេរិក ថៃ ជប៉ុន និងកូរ៉េខាងត្បូង ក៏មានការរកឃើញអ្នកឆ្លងវីរុសពីចិននេះផងដែរ ហើយពួកគេសុទ្ធតែមានប្រភពពីទីក្រុង Wuhan ខណៈនៅប្រទេសថៃវិញមានការឆ្លងរហូតដល់ ០៤ករណីឯណោះ។
ជាមួយគ្នានោះដែលអាជ្ញាធរបានប្រកាសថាជើងហោះហើរនិងរថភ្លើងចេញពីទីក្រុងនឹងត្រូវផ្អាកជាបណ្តោះអាសន្នចាប់ពីម៉ោង០២៖០០ ថ្ងៃព្រហស្បតិ៍នេះ ខណៈដែលរថយន្តក្រុងសាធារណៈរថភ្លើងក្រោមដីនិងរថភ្លើងចម្ងាយឆ្ងាយរបស់ទីក្រុងក៏ត្រូវបានផ្អាករហូតដល់មានការជូនដំណឹងបន្ថែម។
យោងតាមប្រព័ន្ធផ្សព្វផ្សាយរដ្ឋបាននិយាយថា“ហេតុផលពិសេសអ្នករស់នៅក្នុងទីក្រុងមិនគួរចាកចេញពីទីក្រុងវូហានឡើយ” ។ ទីភ្នាក់ងារសារព័ត៌មានស៊ីនហួបាននិយាយថាការផ្លាស់ប្តូរនេះមានន័យថា“ កាត់ផ្តាច់ការរីករាលដាលនៃមេរោគប្រកបដោយប្រសិទ្ធភាពទប់ស្កាត់ការផ្ទុះឡើងនិងធានានូវសុខភាពនិងសុវត្ថិភាពរបស់ប្រជាជន” ។
គួរបញ្ជាក់ថា វីរុសផ្លូវដង្ហើមត្រូវបានអាជ្ញាធរចិនប្រកាសពីការរកឃើញដំបូងបំផុត កាលពីថ្ងៃទី៣១ ខែធ្នូ ឆ្នាំ២០១៩ នៅទីក្រុងវូហាន ហើយប្រភពដើម្បីបំផុតនៃការកកើតវីរុស ដែលធ្វើឲ្យប្រព័ន្ធផ្លូវដង្ហើម (សួត) ចុះទន់ខ្សោយខ្លាំងនេះ ត្រូវបានក្រុមជំនាញវេជ្ជសាស្ត្រចិន សង្ស័យថា បានកកើតឡើងនៅក្នុងទីផ្សារលក់គ្រឿងសមុទ្រ ដ៏ល្បីល្បាញមួយប្រចាំទីក្រុងនេះ៕
