ជប៉ុន ៖ រដ្ឋមន្រ្តីក្រសួងសុខាភិបាលជប៉ុនបាននិយាយនៅថ្ងៃព្រហស្បតិ៍នេះថាពលរដ្ឋជប៉ុនចំនួន ៣ នាក់ក្នុងចំណោមប្រជាជនជាង២០០ នាក់ដែលត្រូវបានជម្លៀសចេញពីប្រទេសចិនបានធ្វើតេស្ត៍រកឃើញវីរុសឆ្លងវីរុសថ្មីនេះ។ នេះបើយោងតាមសារព័ត៌មាន CNA។

មនុស្ស ៣ នាក់បានមកដល់ប្រទេសជប៉ុនកាលពីថ្ងៃពុធតាមជើងហោះហើរដំបូងដើម្បីជម្លៀសពលរដ្ឋជប៉ុនចេញពីទីក្រុង Wuhan ដែលជាចំណុចកណ្តាលនៃការផ្ទុះដ៏សាហាវដែលបានសម្លាប់មនុស្ស១៧០ នាក់ និងរាប់ពាន់នាក់បានឆ្លង។

បន្ទាប់រកឃើញអ្នកជម្លៀសទាំង៣នាក់នេះដែលផ្ទុកវីរុសកូរ៉ូណា ធ្វើឲ្យចំនួនអ្នកផ្ទុកវីរុសនេះនៅក្នុងប្រទេសជប៉ុនកើនឡើងរហូតមកដល់ពេលនេះមានចំនួន១១នាក់ក្នុងនោះមានមនុស្ស ២ នាក់ដែលទំនងជាឆ្លងវីរុសនេះដោយមិនធ្វើដំណើរទៅប្រទេសចិន។

រដ្ឋមន្រ្តីក្រសួងសុខាភិបាលលោក Katsunobu Kato បានប្រាប់សភាថា “ក្រៅពីករណីទាំង៨ករណីក្នុងចំណោមមនុស្សដែលបានវិល ត្រឡប់មកពីវូហានកាលពីម្សិលមិញការឆ្លងមេរោគ (ជាមួយវីរុសថ្មី) ត្រូវបានបញ្ជាក់នៅក្នុងមនុស្សម្នាក់ដែលមានរោគសញ្ញានិងមនុស្សពីរនាក់ផ្សេងទៀតដែលមិនមានរោគសញ្ញា” ៕