អាមេរិក ៖ ភាគហ៊ុនរបស់ក្រុមហ៊ុន Microsoft Corp បានធ្លាក់ចុះជាង៤ភាគរយ នៅថ្ងៃព្រហស្បត្តិ៍នេះ បន្ទាប់ពីក្រុមហ៊ុនបានព្រមាន ពីភាពថយចុះនៅក្នុងអាជីវកម្មកុំព្យូទ័រ ដោយសារតែការប៉ះពាល់ដល់ខ្សែសង្វាក់ផ្គត់ផ្គង់របស់ខ្លួនពីការផ្ទុះឡើងនៃវីរុស Covid-19។ នេះបើយោងតាមសារព័ត៌មាន Reuters។

សេចក្តីថ្លែងការណ៍របស់ក្រុមហ៊ុន Microsoft Corp នេះ គឺបានធ្វើឡើងស្រដៀងគ្នានឹងក្រុមហ៊ុន Apple Inc និង HP ផងដែរ។ ការធ្លាក់ចុះនៃតម្លៃភាគហ៊ុននេះ បានធ្វើឲ្យបាត់បង់ទឹកប្រាក់ជិត៥០ពាន់លានដុល្លារអាមេរិក ពីតម្លៃទីផ្សាររបស់ក្រុមហ៊ុន Microsoft ក្នុងមួយថ្ងៃ ខណៈទីផ្សារទូទៅ មានការធ្លាក់ចុះជាង២ភាគរយ៕