ប៉ារីស ៖ អាជ្ញាធរសុខាភិបាលបារាំងបានប្រកាសឲ្យដឹង នៅយប់ថ្ងៃអង្គារសប្តាហ៍នេះថា នៅក្នុងពេលតែមួយថ្ងៃប៉ុណ្ណោះ អ្នកជំងឺ COVID-19 ២៤០នាក់បន្ថែមទៀតបានបាត់បង់ជីវិត ដែលធ្វើឲ្យចំនួនមនុស្សស្លាប់សរុបកើនដល់ ១,១០០នាក់។ នេះបើតាមសារព័ត៌មាន CNA។

អាជ្ញាធរសុខាភិបាលបារាំងបានបញ្ជាក់ទៀតថា ចំនួនករណីឆ្លង COVID-19 នៅទូទាំងប្រទេសអឺរ៉ុបមួយនេះ ក៏បានកើនឡើងដល់ ២២,៣០០ករណីផងដែរ ដោយនៅក្នុងនោះអ្នកជំងឺ ១០,១៧៦នាក់កំពុងសម្រាកព្យាបាលនៅមន្ទីរពេទ្យ ហើយ ២,៥១៦នាក់នៅក្នុងចំណោមនោះទៀត កំពុងស្ថិតក្នុងការសង្គ្រោះបន្ទាន់៕