ចំនួនអ្នកស្លាប់ដោយកូរ៉ូណានៅអ៊ីតាលីកើនដល់៦.៨២០នាក់
អ៊ីតាលី ៖ យោងតាមទិន្នន័យថ្មីដែលចេញផ្សាយដោយនាយកដ្ឋានការពារជនស៊ីវិលបានឱ្យដឹងថាជំងឺរាតត្បាត COVID-19 បានសម្លាប់មនុស្សកើនដល់៦.៨២០ នាក់នៅទូទាំងប្រទេសអ៊ីតាលីកាល ពីថ្ងៃអង្គារជាមួយនឹងចំនួនអ្នកឆ្លងសរុបកើនឡើងដល់ ៦៩.១៧៦ នាក់។ នេះបើយោងតាមប្រភពពីសារព័ត៌មានស៊ិនហួរ។
ថ្លែងនៅក្នុងសន្និសីទកាសែតតាមទូរទស្សន៍ប្រធាននាយកដ្ឋានការពារស៊ីវិលលោក Angelo Borrelli បាននិយាយថា មានករណីឆ្លងវីរុសកូរ៉ូណាថ្មីចំនួន ៥.២៤៩ នាក់និងមានអ្នកស្លាប់ថ្មី ៧៤៣ នាក់កាលពីថ្ងៃអង្គារម្សិលមិញ។ លោក Borrelli បានបញ្ជាក់បន្ថែមថា ក្នុងចំណាមឆ្លងទាំងអស់ខាងលើ ក៏មានអ្នកជំងឺចំនួន ៨.២២៦ នាក់បានជាសះស្បើយឡើងវិញផងដែរ៕
