អាមេរិកក្លាយជាប្រទេសដែលមានករណីឆ្លងវីរុសកូវីដ១៩ ច្រើនជាងគេនៅក្នុងពិភពលោក
អាមេរិក ៖ គិតត្រឹមល្ងាចថ្ងៃទី២៦នេះ ករណីឆ្លងសរុបនៅសហរដ្ឋអាមេរិកមានចំនួនជាង៨ម៉ឺន ២ពាន់នាក់ គឺច្រើនជាងប្រទេសចិន ដែលជាប្រភពនៃការផ្ទុះវីរុសកូវីដ១៩ ដែលបង្កជាជំងឺរលាកផ្លូវដង្ហើមធ្ងន់ធ្ងរ។
យ៉ាងណាមិញ ករណីស្លាប់នៅសហរដ្ឋអាមេរិកមានចំនួនជាង១ពាន់ករណី ដែលទាបជាងប្រទេសចិន (ចំនួនអ្នកស្លាប់ជាង ៣ពាន់នាក់) ប្រទេសអ៊ីតាលី (ចំនួនអ្នកស្លាប់ជាង ៨ពាន់នាក់) និងប្រទេសអេស្ប៉ាញ (ចំនួនអ្នកស្លាប់ជាង ៤ពាន់នាក់)៕
