ភ្នំពេញ ៖ ចាប់ពីថ្ងៃព្រហស្បត្តិ៍ ទី២ ខែមេសា ឆ្នាំ២០២០ រហូតដល់ថ្ងៃអាទិត្យ ទី៥ ខែមេសា ឆ្នាំ២០២០ មានតំបន់មួយចំនួនក្នុងរាជធានី និងជាយរាជធានីភ្នំពេញ នឹងត្រូវផ្អាកការផ្គត់ផ្គង់អគ្គិសនីជាបណ្តោះអាសន្ន ដើម្បីអនុវត្តការងារជួសជុល ផ្លាស់ប្តូរ ដំឡើងបរិក្ខារ និងរុះរើគន្លងខ្សែបណ្តាញ។
បើតាមការបញ្ជាក់របស់អគ្គិសនីកម្ពុជា នៅថ្ងៃទី២ ខែមេសា នឹងផ្អាកការផ្គត់ផ្គង់អគ្គិសនីចាប់ពីម៉ោង៩ព្រឹក ដល់ម៉ោង៥ល្ងាច នៅសង្កាត់អូរឬស្សីទី៣ ចោមចៅទី២ ជើងឯក ជ្រោយចង្វារ គោករកា បឹងទំពន់ទី១ បឹងទំពន់ទី២ ស្ទឹងមានជ័យទី២ ស្ទឹងមានជ័យទី៣ ច្បារអំពៅទី១ ច្បារអំពៅទី២ ព្រែកប្រា និរោធ ព្រែកលៀប ព្រែកតាសេក អូរបែកក្អម ភ្នំពេញថ្មី កាកាបទី១ កាកាបទី២ និងសង្កាត់ចោមចៅទី១។
នៅថ្ងៃទី៣ ខែមេសា ផ្អាកការផ្គត់ផ្គង់អគ្គិសនីចាប់ពីម៉ោង៩ព្រឹក ដល់៥ល្ងាច នៅសង្កាត់គោករកា និរោធ ស្ទឹងមានជ័យទី២ ស្ទឹងមានជ័យទី៣ ចាក់អង្រែលើ ចាក់អង្រែក្រោម ព្រែកលៀប ព្រែកតាសេក អូរបែកក្អម ភ្នំពេញថ្មី កាកាបទី១ កាកាបទី២ និងសង្កាត់ចោមចៅទី១ ព្រមទាំងសង្កាត់តាក្តុល ដើមមៀន កំពង់សំណាញ់ និងសង្កាត់ព្រែកហូរ ក្នុងខេត្តកណ្តាល។
នៅថ្ងៃទី៤ ខែមេសា ផ្អាកការផ្គត់ផ្គង់ចាប់ពីម៉ោង ៩ព្រឹក ដល់ ៥ល្ងាច នៅសង្កាត់ច្រាំងចំរេះទី១ ស្ទឹងមានជ័យទី២ ជ្រោយចង្វារ កំបូល ឪឡោក និងសង្កាត់កន្ទោក ក្នុងរាជធានីភ្នំពេញ ព្រមទាំងសង្កាត់តាខ្មៅ ឃុំបែកចាន ឃុំក្រាំងម្កាក់ និងឃុំឆក់ឈើនាង ក្នុងខេត្តកណ្តាល។ ចំណែកនៅថ្ងៃទី៥ ខែមេសា នឹងផ្អាកការផ្គត់ផ្គង់អគ្គិសនីចាប់ពីម៉ោង ៩ព្រឹក ដល់ម៉ោង ៤ល្ងាច នៅសង្កាត់និរោធ ក្រាំងធ្នង់ ត្រពាំងក្រសាំង ចោមចៅទី៣ កំបូល និងសង្កាត់កន្ទោក ក្នុងរាជធានីភ្នំពេញ៕