បរទេស ៖ គិតត្រឹមម៉ោង ៧៖៣០នាទីព្រឹកថ្ងៃទី០៨ ខែមេសា ឆ្នាំ២០២០នេះ ចំនួនអ្នកស្លាប់ ដោយសារជំងឺ COVID-19 នៅទូទាំងប្រទេសបារាំងកើនដល់១០,៣២៨នាក់ បន្ទាប់ពីមានមនុស្សស្លាប់ថ្មីចំនួន១៤១៧នាក់ ។ នេះបើយោងតាមរយៈគេហទំព័រពិភពលោក Worldometer។

តាមការបង្ហាញតួលេខនៅពេលនេះបានឲ្យឃើញថា មហាអំណាចធំៗលើពិភពលោកដែលសុទ្ធសឹងតែមានភាពរឹងមាំផ្នែកសុខាភិបាល ចំនួន៤ប្រទេសហើយដែលមានចំនួនមនុស្សស្លាប់ដោយសារជំងឺ COVID-19 លើសពីមួយម៉ឺននាក់ ក្នុងនោះអាមេរិក ករណីឆ្លងកើនដល់ ៣៩៥,៧៣៩នាក់, ស្លាប់សរុប ១២,៧៩៦នាក់, ស្លាប់ថ្មី ១៩២៥នាក់។ អេស្ប៉ាញ ករណីឆ្លងកើនដល់ ១៤១,៩៤២ករណី, ស្លាប់សរុប ១៤,០៤៥នាក់, ស្លាប់ថ្មី ៧០៤នាក់។ អ៊ីតាលី ករណីឆ្លងកើនដល់ ១៣៥,៥៨៦ករណី, ស្លាប់សរុប ១៧,១២៧នាក់, ស្លាប់ថ្មី ៦០៤នាក់ និងបារាំង ករណីឆ្លងកើនដល់ ១០៩,០៦៩ករណី, ស្លាប់សរុប ១០,៣២៨នាក់, ស្លាប់ថ្មី១៤១៧នាក់៕