ភ្នំពេញ ៖ ក្រសួងសុខាភិបាល នាព្រឹកថ្ងៃទី១៨ ខែមេសា នេះ បានប្រកាសពីករណីជាសះស្បើយ៥នាក់បន្ថែមទៀតពីជំងឺ COVID-19 នៅកម្ពុជា ដែលធ្វើឲ្យចំនួនអ្នកជាសះស្បើយសរុបឡើងដល់ ១០៣នាក់ ក្នុងចំណោមអ្នកជំងឺ ១២២នាក់។ អ្នកសះស្បើយចំនួន៥នាក់ ដែលក្រសួងបានប្រកាសនៅថ្ងៃនេះ មានជនជាតិអាមេរិក ២នាក់ និងអង់គ្លេស ម្នាក់ ជាអ្នកដំនើរលើនាវា Viking Cruise Journey ដែលចូលចតនៅខេត្តកំពង់ចាម។ ម្នាក់ទៀតជាបុរសជនជាតិកាណាដា ដែលបម្រើការនៅសាលាអន្តរជាតិមួយនៅកោះពេជ្យ និងម្នាក់ទៀតជាបុរសជនជាតិខ្មែរអាយុ ៣៨ឆ្នាំ នៅស្រុកមោងឫស្សី ខេត្តបាត់ដំបង។ ចំណែកអ្នកកំពុងសម្រាកព្យាបាលជំងឺកូវីដធ្លាក់ចុះមកត្រឹមចំនួន ១៩នាក់ នៃអ្នកឆ្លងសរុប១២២នាក់៕