ដោយ ៖ កូវ ប៊ុនហេង

ខេត្តព្រះវិហារ ៖ ទេសរដ្ឋមន្ត្រីមាសសុភា ក្រុមការងារថ្នាក់ជាតិចុះជួយមូលដ្ឋានខេត្តព្រះវិហារបាននាំយកសម្ភារៈបរិក្ខាពេទ្យ ប្រយុទ្ធប្រឆាំងនឹងជំងឺកូវីដ១៩ ដល់មន្ទីរសុខាភិបាលខេត្តព្រះវិហារ ។

ពិធីនេះបានធ្វើឡើងនារសៀលថ្ងៃទី 28 ខែមេសាឆ្នាំ 2020 នៅមន្ទីសុខខាភិបាលខេត្តព្រះវិហារ ដោយមានការចូលរួុមពីរលោក ប្រាក់ សុវណ្ណ អភិបាលខេត្តព្រះវិហារ លោក ឡុងសុវណ្ណ ប្រធានក្រុមព្រឹក្សាខេត្ត រួុមទាំងប្រធានមន្ទី មន្រ្តីរាជការ ជុំវិញខេត្ត បានអញ្ជើញចូលរួុមជាច្រើនអ្នក ។

លោក គួុង ឡូ ប្រធានមន្ទីសុខាភិបាលខេត្ត បានឡើងរាយការណ៍ជូនគណអធិបតី នូវសកម្មភាពរបស់មន្ទីរសុខាភិបាលខេត្ត ដែលបាននិងកំពុងអនុវត្ត នូវការងារប្រយុទ្ធប្រឆាំង និងជំងឺរលាកសួតដែលបង្កដោយវីរុសកូវីដ១៩ បានចែកចេញជា៣តំណាក់កាល ៖

តំណាក់កាលទី១៖ សកម្មភាពមុនពេលមានករណីជំងឺរលាកសួត បង្កដោយវីរុសកូរវីត 19

តំណាក់កាលទី២៖ សកម្មភាពពេលមានករណី ជំងឺរលាកសួត បង្កដោយ វីរុសកូវីដ 19

តំណាក់កាលទី៣៖ កម្មភាពមានពលករខ្មែរត្រឡប់មកពី ប្រទេសថៃមុនចូលឆ្នាំខ្មែរ ។

ជាមួយគ្នានេះឯកឧត្តមទេសរដ្ឋមន្ត្រី បានថ្លែងនូវការកោតសរសើរដល់អជ្ញាធរដែនដីគ្រប់លំដាប់ថ្នាក់ក៍ដូចជាថ្នាក់ដឹកនាំ មន្ត្រីរាជការនៃមន្ទីរសុខាភិបាលខេត្តព្រះវិហារ និងមន្ទីរអង្គភាពនានាក្នុងខេត្ត ដែលបានរួមសហការគ្នាចូលរួមទប់ស្កាត់ការរីករាលដាលនៃជំងឺកូវីដ១៩ តាមរយះការចុះផ្សព្វផ្សាយអប់រំតាមមូលដ្ឋាន អោយប្រជាពលរដ្ឋបានយល់ដឹង ដោយអនុវត្តជាប្រចាំតាមការណែនាំរបស់ក្រសួងសុខាភិបាល ដើម្បីការពារពីជំងឺកូវីដ១៩។

លោកបានទៀតថា យើងត្រូវ រួមគ្នាបង្ការ និងទប់ស្កាត់ ការរាតបាតមេរោគកូវីដ១៩ ត្រូវមានការប្រុងប្រយ័ត្នអោយបានខ្ពស់ ចំពោះសុខភាព និងការរស់នៅ ត្រូវមានអនាម័យល្អ ត្រូវលាងដៃនឹងសាប៊ូ អាល់កុល និងទឹកអនាម័យ អោយបានញឹកញាប់ ត្រូវសំអាតបរិវេណផ្ទះ និងកន្លែងរស់នៅអោយបានគ្រប់ៗគ្នា ជាប្រចាំ។ត្រូវអនុវត្តតាមការណែនាំរបស់ ក្រសួងសុខាភិបាល ពិសេស អនុសាសន៍ដ៏ខ្ពងខ្ពស់ សម្តេចនាយករដ្ឋមន្ត្រី ហ៊ុន សែន ខាងលើ ដើម្បីបង្ការ និងទប់ស្កាត់បាន ពីការឆ្លងរីករាលដាលជំងឺកូវីដ១៩ ពីមនុស្សម្នាក់ ទៅមនុស្សម្នាក់ទៀត នៅក្នុងមូលដ្ឋានរស់នៅ។ លោកថា នៅគ្រាបច្ចុប្បន្ន ជំងឺដ៏កាចសាហាវនេះ កំពុងបន្តឆ្លង និងរាតត្បាតនៅទូទាំងសកលលោក បូករួមទាំងកម្ពុជា យើងផងដែរ ។

ជាចុងបញ្ចប់នៃកម្មវិធី គណះអធិបតី បានប្រគល់អំណោយសម្ភារៈ បរិក្ខាពេទ្យ ជូនដល់ មន្ទីរសុខាភិបាលខេត្តព្រះវិហាររួុមមាន អាកុល 650 លីត្រ ម៉ាស់26000 អំបិល300គីឡូ រួមទាំងថវិការមួយចំនួន ៕