ភ្នំពេញ ៖ នៅថ្ងៃទី០១ ឧសភា ឆ្នាំ ២០២០នេះ ជាថ្ងៃដែលសមត្ថកិច្ចចរាចរណ៍ចាប់ផ្ដើមអនុវត្តន៍ច្បាប់ថ្មី ក្នុងនោះគឺការចាប់ផាកពិន័យខ្ពស់មិនធ្លាប់មាន ហើយក្នុងរយៈពេលតែ៣ម៉ោងប៉ុណ្ណោះ ពោលគឺ គិតពីម៉ោង៧ដល់ម៉ោង១០ព្រឹក សមត្ថកិច្ចប្រចាំការតាមគោលដៅទូទាំងប្រទេសឃាត់យានយន្តសរុបចំនួន ៩៨០គ្រឿង ។

យោងតាមរបាយការណ៍បឋម ស្ដីពីការអនុវត្តរឹតបន្តឹងច្បាប់ចរាចរណ៍ នៅរាជធានីភ្នំពេញ នៅថ្ងៃទី០១ឧសភា ២០២០បានបង្ហាញថា ត្រឹមតែ៣ម៉ោង សមត្ថកិច្ចចាប់ឃាត់ម៉ូតូ ចំនួន៩០០គ្រឿងនិងយានយន្តសរុប៨០គ្រឿង ។

របាយការណ៍នេះក៏បានបង្ហាញផងដែរថា ក្នុងចំណោមម៉ូតូ៩០០គ្រឿង ក្នុងនោះមាន៨៤៥គ្រឿងគឺអត់មានមួកសុវត្ថិភាព៨គ្រឿងអត់ផ្លាកលេខ និងល្មើសច្បាប់ចរាចរណ៍ ៤៧គ្រឿង ៕