ភ្នំពេញ ៖ នៅថ្ងៃទី១១ ខែឧសភា ឆ្នាំ២០២០នេះ នគរបាលចរាចរណ៍ទូទាំងប្រទេសបានរកឃើញ យានយន្តល្មើសចំនួន១,២២៩គ្រឿង ក្នុងនោះមានម៉ូតូ៨៩៤គ្រឿង និងរថយន្ត ៣៣៥គ្រឿង។ នេះបើតាមរបាយការណ៍ របស់អគ្គស្នងការដ្ឋាននគរបាលជាតិ។

របាយការណ៍បញ្ជាក់ថា សម្រាប់បទល្មើសម៉ូតូ គឺភាគច្រើនមិនពាក់មួកសុវត្ថិភាព និងល្មើសផ្សេងៗ។ ដោយឡែកបទល្មើសរថយន្តភាគច្រើនអត់ខ្សែក្រវាត់ បើកលើសល្បឿន ផ្ទុកលើសចំណុះ និងមិនគោរពភ្លើងសញ្ញា។

បើរបាយការណ៍ដដែលបង្ហាញថា សរុបយានយន្តល្មើសទាំងរយៈពេល ១១ថ្ងៃ (ថ្ងៃទី០១-១១ ខែឧសភា) មានចំនួន ១៩,៦៧៩រឿងក្នុងនោះម៉ូតូចំនួន១៤,៤៩៧គ្រឿង និងរថយន្ត៥,១៨២គ្រឿង៕