ប្រេស៊ីល ៖ យោងតាមទិន្នន័យចុងក្រោយបង្អស់ ស្តីអំពីស្ថានការណ៍ COVID-19 នៅក្នុងប្រទេសបានបង្ហាញឲ្យដឹងថា ប្រេស៊ីលមានករណីឆ្លងសរុប ២០២,៩១៨ករណី បន្ទាប់ពីក្រសួងសុខាភិបាលបានប្រកាសថា ក្នុងរយៈពេលត្រឹម ២៤ម៉ោងកន្លងមកនេះ ខ្លួនបានកត់ត្រាករណីឆ្លងថ្មីចំនួន ១៣,៩៤៤ករណី ដែលជាតួលេខឆ្លងប្រចាំថ្ងៃខ្ពស់បំផុតពុំធ្លាប់មាន។
ជាមួយគ្នានោះដែលអាជ្ញាធរបានបញ្ជាក់ថា អ្នកជំងឺសរុបចំនួន ១៣,៩៩៣នាក់ បានបាត់បង់ជីវិតនៅទូទាំងប្រទេស បន្ទាប់ពីមាន ករណីស្លាប់ចំនួន ៨៨៤នាក់បន្ថែមទៀត។ ទោះបែបនេះក្ដី ប្រធានាធិបតីប្រេស៊ីលលោក Jair Bolsonaro បែរជាបានជំរុញឲ្យថ្នាក់ដឹកនាំអាជីវកម្មធំៗ ដកបទបញ្ជារឹតត្បិតពីមជ្ឈមណ្ឌលហិរញ្ញវត្ថុសៅប៉ូឡូវិញ ដើម្បីជួយសង្គ្រោះសេដ្ឋកិច្ចជាតិ៕
