ចិន ៖ គណៈកម្មការសុខភាពជាតិ (NHC) បានរាយការណ៍នៅថ្ងៃព្រហស្បតិ៍ទី ២១ ខែឧសភា ឆ្នាំ២០២០នេះថា ប្រទេសចិនបានកត់ត្រាករណីឆ្លងកូវិដ១៩ថ្មីចំនួន២ករណីកាលពីថ្ងៃម្សិលមិញ ប៉ុន្តែមិនមានករណីស្លាប់ថ្មីនោះទេ។ នេះបើយោងតាមប្រភពពី CNA។
គណៈកម្មាធិការបាននិយាយនៅក្នុងសេចក្តីថ្លែងការណ៍មួយថា ក្នុងចំណោម២ករណីថ្មីគឺ មាន១ករណីឆ្លងក្នុងស្រុកត្រូវបានរកឃើញនៅក្នុងទីក្រុងស៊ាងហៃនិង១ករណីទៀតជាករណីនាំចូលពីក្រៅប្រទេសដែលពាក់ព័ន្ធនឹងអ្នកដំណើរមកពីបរទេស។
ករណីឆ្លងថ្មីៗទាំង ២ករណី ដែលបានរាយការណ៍នៅថ្ងៃនេះ វាធ្វើឲ្យចំនួនករណីឆ្លងសរុបទាំងអស់ នៅទូទាំងប្រទេសចិនកើនដល់៨២.៩៦៧ នាក់ និងអ្នកជំងឺចំនួន ៣៧៥ នាក់កំពុងស្ថិតក្រោមព្យាបាលរបស់ក្រុមគ្រូពេទ្យ ខណៈតួលេខនៃករណីអ្នកស្លាប់ គឺនៅរក្សាបានត្រឹម ៤,៦៣៤នាក់ដដែល។
អាជ្ញាធរសុខាភិបាលចិន ក៏បានរកឃើញអ្នកជាសះស្បើយឡើងវិញពីជំងឺ COVID-19 ចំនួន៥នាក់ផងដែរកាលពីម្សិលមីញ ដែលនាំឲ្យចំនួនអ្នកជាសះស្បើយសរុប នៅទូទាំងប្រទេសចិនកើនដល់ ៧៨,២៤៩ នាក់៕
