ភ្នំពេញ ៖ គណៈកម្មការប្រកួតបាល់ទាត់ជាតិកម្ពុជា (CNCC) បានប្រកាសកាលបរិច្ឆេទ អំពីការដំណើរការប្រកួតឡើងវិញនៃបាល់ទាត់លីគកំពូលកម្ពុជា ឆ្នាំ២០២០ ដែលនឹងបន្ដការប្រកួតសប្ដាហ៍ទី៦ នៅថ្ងៃទី៤-៥ ខែកក្កដាខាងមុខ ប៉ុន្ដែមានការផ្លាស់ប្ដូរលក្ខខណ្ឌមួយចំនួន សម្រាប់ការប្រកួតជើងទី២។
សម្រាប់ជើងទី១ នៃលីគកំពូលកម្ពុជា នឹងបន្ដការប្រកួតដោយប្រើរូបមន្ដធម្មតា ដែលគ្រោងនឹងបញ្ចប់នៅថ្ងៃទី១ នៅថ្ងៃទី១២-១៣ ខែកញ្ញា រីឯជើងទី២ នឹងចាប់ផ្ដើមការប្រកួតនៅថ្ងៃទី២០ ខែកញ្ញា ដល់ថ្ងៃទី២៥ ខែតុលា ឆ្នាំ២០២០។ ប៉ុន្ដែអ្វីដែលបានកែប្រែ គឺក្លិបទាំង១៣ បានព្រមព្រៀងគ្នា ដោយចាប់ពីជើងទី២ ទៅ ក្រុមកំពូលតារាងទាំង៦ នឹងត្រូវប្រកួតប្រជែងគ្នាដណ្ដើមចំណាត់ថ្នាក់លេខ១ លេខ២ និងលេខ៣។ ចំណែកក្រុមឈរលេខ៧ ដល់លេខ១៣ នឹងបន្ដការប្រកួតគ្នាជាធម្មតា។
ចំពោះការគិតពិន្ទុវិញ គឺបូកបន្តគ្នាដោយគិតលើពិន្ទុសរុបជើងទី១ និងផលសងគ្រាប់បាល់។ ចំណែកជើងទី២ នឹងប្រើប្រព័ន្ធ Head-Head វិញ។ ដោយឡែកការផ្លាស់ប្ដូរកីឡាករក្នុងការប្រកួតវិញ ក៏ត្រូវបានបង្កើនពី ៣នាក់ ដល់ ៥នាក់ដែរ តែផ្លាស់ប្ដូរបាន ៣លើកប៉ុណ្ណោះ ក្នុង១ប្រកួត។ ចំណែកទីផ្សារដោះកីឡាករត្រូវបាន CNCC អនុញ្ញាតឲ្យក្លិបនីមួយៗប្ដូរកីឡាករបាន៥នាក់ ដែលមានកីឡាករកម្ពុជា ៣នាក់ និងកីឡាករបរទេស២នាក់ ដោយចាប់ផ្ដើមអនុវត្តពីថ្ងៃទី០៨-សីហា ដល់ថ្ងៃទី០៧-កញ្ញា ឆ្នាំ២០២០។
សម្រាប់ជើងទី១ នឹងបន្តពីសប្ដាហ៍ទី៦ ហើយគ្រោងបញ្ចប់នៅថ្ងៃទី១២ និងទី១៣ ខែកញ្ញា មុនចាប់ផ្ដើមជើងទី២ ពីថ្ងៃទី២០ ខែកញ្ញាដល់ថ្ងៃទី២៤ និង២៥ ខែតុលា។ ដោយឡែកអ្វីដែលត្រូវបានព្រមព្រៀងកែប្រែនោះ គឺចាប់ពីជើងទី២ នេះក្រុមកំពូលទាំង៦ ត្រូវប្រជែងគ្នាយកចំណាត់ថ្នាក់លេខ១, លេខ២ និងលេខ៣។ ចំណែកក្លិបនៅលំដាប់ទី៧ ដល់ទី១៣ ប្រកួតគ្នាជាធម្មតា។ សម្រាប់ការគិតពិន្ទុវិញគឺបូកបន្តគ្នាដោយគិតលើពិន្ទុសរុបជើងទី១ និងផលសងគ្រាប់បាល់។ ចំណែកជើងទី២ គឺតាមប្រព័ន្ធ Head-Head។
ពាក់ព័ន្ធទៅនឹងទីផ្សារដោះដូរកីឡាករវិញគឺអាចប្ដូរ ៥នាក់ដែលមានកម្ពុជា ៣នាក់ និងបរទេស ២នាក់ ដំណើរការពីថ្ងៃទី០៨ ខែសីហាដល់ថ្ងៃទី០៧ ខែកញ្ញា។ ការប្ដូរកីឡាករក្នុងការប្រកួតក៏បានបង្កើនដែរ គឺពី ៣នាក់ដល់ ៥នាក់ តែធ្វើឡើងបានតែ ៣លើកប៉ុណ្ណោះក្នុងមួយប្រកួត។ គួរដឹងដែរថា ភ្នំពេញក្រោនជាក្រុមគ្រប់គ្រងកំពូលតារាង MCL បណ្ដោះអាសន្ននៅពេលផ្អាកការប្រកួតត្រឹមសប្ដាហ៍ទី៥ ខណៈពានសម្ដេចតេជោ ហ៊ុន សែន ថ្នាក់ខេត្តបានបញ្ចប់វគ្គចែកពូលរួចរាល់៕
