ភ្នំពេញ៖ នៅម៉ោង១៤:៣០នាទីរសៀលថ្ងៃទី១៧ ខែសីហា ឆ្នាំ២០១៥នេះ គណៈកម្មាធិការអចិន្ត្រៃយ៍ព្រឹទ្ធសភា នឺងបើកកិច្ចប្រជុំមួយ ក្រោមអធិបតីភាពរបស់លោក នៃ ប៉េណា ប្រធានស្តីទីព្រឹទ្ធសភានៃព្រះរាជាណាចក្រកម្ពុជា ដើម្បីពិភាក្សាទៅលើករណីរបស់លោក ហុង សុខហួរ សមាជិកព្រឹទ្ធសភា មកពីគណបក្ស សម រង្ស៊ី ។
លោក អ៊ុំ សារិទ្ធ អគ្គលេខាធិការ នៃព្រឹទ្ធសភា បានចេញផ្សាយនូវសេចក្តីជូនដំណឺងរបស់អគ្គលេខាធិការ នៃព្រឹទ្ធសភា នៅរសៀលថ្ងៃទី១៧ ខែសីហា ឆ្នាំ២០១៥នេះ ដោយលើកឡើងថា ព្រឹទ្ធសភានឹងបើកកិច្ចប្រជុំគណៈកម្មាធិការអចិន្ត្រៃយ៍ដែលរួមមានរបៀបវារៈ៖
១. ពិនិត្យរបាយការណ៍របស់ក្រសួងមានសមត្ថកិច្ចអំពីករណីលោក ហុង សុខហួរ សមាជិកព្រឹទ្ធសភា មណ្ឌលភូមិភាគ៤។
២. ពិនិត្យសំណើរបស់សមាជិកព្រឹទ្ធសភាសុំកោះប្រជុំព្រឹទ្ធសភា ជាសម្ងាត់។
៣. កំណត់កាលបរិច្ឆេទ និងរបៀបវារៈបន្តសម័យប្រជុំ លើកទី៧ ព្រឹទ្ធសភា នីតិកាលទី៣៕
