ថ្ងៃនេះ ចិនរកឃើញអ្នកឆ្លងកូវីដ១៩ថ្មី ចំនួន៦នាក់ថែមទៀត សុទ្ធជាករណីនាំចូល
ចិន ៖ គណៈកម្មការសុខាភិបាលជាតិបាននិយាយនៅថ្ងៃពុធនេះថាប្រទេសចិនដីគោកបានរាយការណ៍អំពីករណីឆ្លងកូវីដ១៩ថ្មី៦ករណីបន្ថែមទៀត ដែលសុទ្ធតែជាករណីនាំចូលដែលធ្វើឲ្យចំនួននាំចូលសរុប ១,៩៨៨ ករណី។ នេះបើយោងតាមប្រភពពីស៊ិនហួរ។
គណៈកម្មាធិការបាននិយាយថា ក្នុងចំណោមករណីនាំចូលថ្មីៗចំនួន ៣ ត្រូវបានរាយការណ៍នៅក្នុងទីក្រុងស៊ាងហៃ ខណៈខេត្តសានស៊ី ខេត្តយូណាន និងក្រុងចុងឈីង រកឃើញករណីមួយម្នាក់ជាករណីនាំចូលមួយ។
គណៈកម្មាធិការបាននិយាយថា ក្នុងចំណោមករណីទាំងអស់ដែលបាននាំចូលគឺមាន១.៩០២នាក់ត្រូវបានជាសះស្បើយ ហើយអ្នកជំងឺ៨៦ នាក់ទៀតកំពុងសម្រាកព្យាបាលនៅមន្ទីរពេទ្យ ដោយក្នុងនោះមានអ្នកជំងឺ ២ នាក់ស្ថិតក្នុងស្ថានភាពធ្ងន់ធ្ងរ។ ប៉ុន្តែមិនមានសេចក្តីរាយការណ៍ណាមួយពីករណីស្លាប់នោះទេ៕
