ខេត្តកែប:នៅថ្ងៃទី១៩ខែតុលាឆ្នាំ២០១៥នៅវេលាម៉ោង៦,៤០នាទីយប់ សមត្ថកិច្ចនៃអធិការដ្ធាននគរបាលស្រុកដំណាក់ចង្អើរបានទទួលព័ត៌មានពីប្រជាពលរដ្មថា មានករណី ចរាចរក្រដាសប្រាក់ដុល្លារក្លែងក្លាយនៅចំណុចផ្ទះ ឈ្មោះ មាស ជឹម ភេទប្រុសអាយុ២៦ឆ្នាំ ស្ថិតក្នុងភូមិចំការបី ឃុំពងទឹក ស្រុកដំណាក់ចង្អើរ ខេត្ដកែប។
សមត្ថកិច្ចបញ្ជាក់ថា ជនសង្ស័យឈ្មោះ ឃុត ឃៀប ភេទប្រុសអាយុ៣៦ឆ្នាំ មុខរបរសន្ដិសុខក្រុមហ៊ុន CISS យាមនៅមន្ទីរពេទ្យចាន់គីរី មានទីតាំងនៅជិតផ្សារកណ្ដាល រាជធានីភ្នំពេញ។ជននេះមានស្រុកកំណើតនៅភូមិត្រពាំងឈើនៀង ឃុំស្រែកជាខាងជើង ស្រុកដងទង់ ខេត្ដកំពត ។
សំភារៈដែលត្រូវបានដកហូតរួមមានក្រដាសប្រាក់ដុល្លារក្លែងក្លាយចំនួន ២៦៥ ដុល្លារ ក្នុងនោះ ក្រដាសប្រាក់ ៥០$ ចំនួន៤សន្លឹក
– ក្រដាសប្រាក់១០$ ចំនួន៣សន្លឹក
– ក្រដាសប្រាក់ ៥$ ចំនួន៧សន្លឹក
– ក្រដាសប្រាក់រៀលចំនួន៥៧៥០០រៀល
– ក្រដាសប្រាក់១០០០០រៀល ២សន្លឹក
– ក្រដាសប្រាក់២០០០រៀល៥សន្លឹក
– ក្រដាសប្រាក់១០០០រៀល១៩សន្លឹក
– ក្រដាសប្រាក់៥០០រៀល១៦សន្លឹក
– ក្រដាសប្រាកក១០០រៀល៥សន្លឹក ក្រដាសប្រាក់រៀលជំនាន់លន់ណុល ១០០រៀល ១សន្លឹក ម៉ូតូម៉ាកបេះ ពណ៌ក្រហមគ្មានផ្លាកលេខ១គ្រឿង និងទូរស័ព្ទដៃម៉ាក់SkG១គ្រឿង ។
ជនសង្ស័យ និងវត្ថុតាង ត្រូវបានឃាត់ខ្លួន និងរឹបអូសបញ្ជូនទៅអធិការដ្ឋាននគរបាលស្រុកដំណាក់ចង្អើរដើម្បីចាត់ការតាមច្បាប់៕ដោយ៖អ៊ួង វឹង
