ព្រះសីហនុ៖ ស្ត្រីម្នាក់ឈ្មោះ ឯម រ៉ានី ដែលវាយ និងជេរប្រមាថម្តាយ នៅពេលដែលតាមទាន់ពេលលួចមានសាហាយជាមួយមេធាវី ជា ហៃ កាលពីល្ងាចថ្ងៃទី២៤ ខែតុលា នេះ ត្រូវ កម្លាំងសមត្ថកិច្ចឃាត់ខ្លួនបញ្ជូនទៅសាលាដំបូងខេត្ត ដោយមានការចូលរួមពីលោកស្រី ចាត សូរស្មី ព្រះរាជអាជ្ញាសាលាដំបូងខេត្តព្រះសីហនុ។
ការឃាត់ខ្លួននេះ ធ្វើឡើងយោងតាមបណ្តឹងរបស់បុរសម្នាក់ឈ្មោះ គុណ ប៊ុនថា បានដាក់ពាក្យប្តឹងលោកមេធាវី ជា ហៃ ដែលគេស្គាល់ថា ក៏ជាកូនប្រសាររបស់លោក គង់ ស្រីវ អនុប្រធានតុលាការកំពូល ចោទប្រកាន់ចំនួន២ករណី គឺករណីប្រើអំពើហិង្សា និងករណីលួចសហាយស្មន់ ប្រពន្ធរបស់ខ្លួនឈ្មោះឯម រ៉ានី។
នៅចំពោះមុខសត្ថកិច្ច លោកមេធាវី ជា ហៃ បានធ្វើការបដិសេដទាំងស្រុងទៅនឹងបណ្តឹងចោទ ប្រកាន់ខាងលើ ដោយលោកបញ្ជាក់ថា រវាងលោក និងស្ត្រីឈ្មោះ ឯម រ៉ានី គឺជាដៃគូរកស៊ីដាក់ហ៊ុនជាមួយគ្នា ក្នុងហាងសេវាកម្មទិញលក់ និងបញ្ចាំ (យីហោ អានី) នៅកន្លែងកើតហេតុខាងលើ ហើយក៏គ្មានទំនាក់ទំនងអ្វីពាក់ព័ន្ធរឿងស្នេហានោះទេ លោកគ្រាន់តែជាមេធាវីការពារក្តីឲ្យស្ត្រីនេះតែប៉ុណ្ណោះ។
ក្រោយពីនគរបាលធ្វើការសាកសួរចប់ លោក ជា ហៃ ត្រូវបានដោះលែងវិញភ្លាមៗ បន្ទាប់ពីមានមេធាវីរបស់គាត់ ឈ្មោះ ឈុន ជ្រា បំពេញបែបបទ សុំធ្វើការធានា។
យោងតាមឯកសារផ្លូវការមួយច្បាប់ លេខ ០០០៧ ពណ.ចបព ចុះថ្ងៃទី០៥ ខែមករា ឆ្នាំ២០១៥ ចុះហត្ថលេខដោយលោក អ៊ុក ប្រជា រដ្ឋលេខាធិការក្រសួងពាណិជ្ជកម្ម បានបញ្ជាក់ទទួលស្គាល់ថា លោកស្រី ឯម រ៉ានី ជាប្រធានក្រុមប្រឹក្សាភិបាល និងលោក ជា ហៃ ជាអភិបាល នៃក្រុមហ៊ុន អេ អិន ស៊ីអេច ត្រេឌីង A N & C H TRADING Co.,Ltd ដែលមានស្នាក់កា ក្រុមហ៊ុនស្ថិតនៅ ទីតាំងលេខ០៥ ផ្លូវលេខ ២១៤ ភូមិ៤ ក្រុម២ សង្កាត់លេខ៤ ក្រុងខេត្តព្រះសីហនុពិតប្រាកដមែន។
មន្ត្រីនគរបាលខេត្តព្រះសីហនុ បានបញ្ជាក់ថា ហេតុការណ៍នេះបានកើតឡើងនៅក្នុងហាងរកស៊ី ទិញ លក់ និងបញ្ចាំមួយកន្លែង នៅខាងមុខក្លឹបកម្សាន្ត ៣៣៣ តំបនជាប់របងមន្ទីរពេទ្យបង្អែកខេត្ត (ពេទ្យចំ ពការចេក) ស្ថិតនៅក្នុងភូមិលេខ៤ សង្កាត់លេខ៤ ក្រុងព្រះសីហនុ កាលពីរសៀលថ្ងៃទី២០តុលា ។ប្រភពបន្តថាការចាប់ឃាត់ខ្លួនស្ត្រីខាងលើនេះដោយសារមានបទល្មើសជាក់ស្តែង ប៉ុន្តែមិនបានប្រាប់ថា បទល្មើសជាក់ នោះមានអ្វីខ្លះនោះទេ។
ប្រភពបញ្ជាក់ថា សាលាដំបូងបានសម្រេចបញ្ជូនស្ត្រីឈ្មោះ ឯម រ៉ានី នៅព្រឺកថ្ងៃទី២៥ ខែតុលា ឆ្នាំ២០១៥នេះថា នឹងត្រូវបញ្ជូនទៅកាន់ស្នងការដ្ឋាននគរបាលខេត្តព្រះសីហនុវិញ ដើម្បីរង់ចាំសាកសួរបន្តទៀត ដោយសារការសាកសួរមិនទាន់ចប់ ៕ដោយ៖ខេមរា
