ក្រុមក្មេងប្រុសស្រីជាច្រើននាក់ត្រូវបានកម្លាំងកងរាជអាវុធហត្ថខណ្ឌមានជ័យ ធ្វើការចុះបង្ក្រាបឃាត់ខ្លួនបានជាច្រើននាក់យកមកធ្វើការសួរនាំនៅមូលដ្ឋានកងរាជអាវុធហត្ថខណ្ឌមានជ័យ ករណីខាងលេីនេះបង្កការភ្ញាក់ផ្អេីលកាលពីវេលាម៉ោង ៣រសៀលថ្ងៃទី៥ខែ កញ្ញា ឆ្នាំ២០២៤ នៅម្ដុំលក់ស្រាក្រឡុក ជិតនិងផ្សារដីថ្មី សង្កាត់ស្ទឹងមានជ័យទី៣ ខណ្ឌមានជ័យ។
បើតាមសម្ដីកម្លាំងសមត្ថកិច្ចបានឲ្យដឹងថា ក្រោយពីបានឃើញរូបវីដេអូឃ្លីប បង្ហោះតាមបណ្ដាញសង្គម បានឃើញថាមានក្មេងប្រុសស្រីមួយក្រុមបាននាំគ្នាព្រួតវ៉ៃទៅលើយុវជនម្នាក់ បណ្ដាលឲ្យរងរបួសកាលពីវេលាម៉ោង៦ ព្រឹកថ្ងៃទី៥ខែកញ្ញាឆ្នាំ២០២៤ កម្លាំងកងរាជអាវុធហត្ថក៏បានធ្វើការស្រាវជ្រាវរហូតដល់ម៉ោង៣រសៀល ទើបបានឃាត់ខ្លួនមនុស្សប្រុសស្រីច្រើននាក់ នៅម្ដុំលក់ស្រាក្រឡុក នៅជិតនិងផ្សារដីថ្មី សង្កាត់ស្ទឹងមានជ័យទី៣ ខណ្ឌមានជ័យ។
ក្រោយពីបង្ក្រាបបានកម្លាំងសមត្ថកិច្ចកងកម្លាំងកម្លាំងកងរាជអាវុធហត្ថ បាននាំខ្លួន ជនសង្ស័យទាំងនោះយកទៅធ្វើការសួរនាំនៅមូលដ្ឋានកងរាជអាវុធហត្ថខណ្ឌមានជ័យ។
សូមចុច Link ដើម្បីទស្សនាព័ត៌មានពិស្ដារ៖ https://youtu.be/-tilIPnudXU
