យ៉ាងហោចណាស់ក៏មានសត្វក្របីចំនួន៦ក្បាលបានងាប់ភ្លាមៗមួយរំពេចពេលពួកវាកំពុងដើរស៊ីស្មៅ ។ ហេតុការណ៍ដ៏អាក្រក់នេះបានកើតឡើងនៅវេលាម៉ោង៤និង៣០នាទី ថ្ងៃទី១១ ខែកញ្ញា ឆ្នាំ២០២៤  នៅចម្ងាយប្រហែល២០០ម៉ែត្រ ខាងលិច ភូមិរំពាក់ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ។

នគរបាលរដ្ឋបាលឃុំឈ្នួរមានជ័យបានឲ្យដឹងថា៖ ម្ចាស់ក្របីឈ្មោះ សែម វែងនិងប្រពន្ធឈ្មោះម៉ៅ ប៉ាក រស់នៅភូមិរំពាក់ ឃុំឈ្នួរមានជ័យ ស្រុកព្រះនេត្រព្រះ ។នគរបាលបន្តថា៖ តាមការរៀបរាប់ពីម្ចាស់ក្របីបានឲ្យដឹងថា រៀងរាល់ថ្ងៃគាត៎តែងលែងសត្វក្របីរបស៎គាតចំនួន៦ក្បាល ក្នុងនោះមានឈ្មោល៣ក្បាល និងញី៣ក្បាល ឲ្យដើរស៊ីស្មៅខាងលិចភូមិចម្ងាយ២០០ម៉ែត្រ។តែថ្ងៃនេះ ក្រោយពីមេឃបានធ្លាក់ភ្លៀងមួយមេមធ្យម លាយឡំជាមួយខ្យល់និងផ្គររន្ទះយ៉ាងខ្លាំង។ ស្រាប់តែពេលនោះគាត់ឮសូររន្ទះបាញ់លាន់កក្រើក។ដំបូងគាត់មិនដឹងថា ក្របីគាត់ត្រូវរន្ទះបាញ់នោះទេ។ លុះមេឃរាងស្ងប់បន្តិចគាត់ក៏ទៅដឹកក្របីគាត់មកផ្ទះស្រាប់តែឃើ្ញសត្វក្របីរបសគាត់ទាំង៦ក្បាលបានងាប់បាត់ទៅហើយ៕
https://youtu.be/W2aXqs2As1g