មេបញ្ជាការរងកងរាជអាវុធហត្ថខេត្តតាកែវម្នាក់ និងមន្ត្រី២នាក់ទៀតសង្ស័យពាក់ព័ន្ធបទល្មើសគ្រឿងញៀន
ដោយ មេគង្គ ប៉ុស្តិ៍ ចេញផ្សាយ​ ថ្ងៃទី 2 January, 2025 ក+ ក-

 

(ខេត្តតាកែវ)៖ លោកវរសេនីយ៍ឯក ង៉ែត ចាន់ឌី មេបញ្ជាការរងកងរាជអាវុធហត្ថខេត្តតាកែវ និងមន្ដ្រីអាវុធហត្ថ២នាក់ទៀត ត្រូវបានកម្លាំងកងរាជអាវុធហត្ថលើផ្ទៃប្រទេស នាំខ្លួនទៅធ្វើការសួរនាំ នៅថ្ងៃទី១ ខែមករា ឆ្នាំ២០២៥ម្សិលមិញ ហើយបញ្ជូនមកសួរនាំបន្ដនៅបញ្ជាការដ្ឋានកងរាជអាវុធហត្ថខេត្តកណ្ដាល។

ថ្លែងប្រាប់អ្នកសារព័ត៌មាន លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ បានបញ្ជាក់ថា កម្លាំងជំនាញអាវុធហត្ថលើផ្ទៃប្រទេសពិតជាបាននាំខ្លួនអាវុធហត្ថទាំង៣នាក់ ទៅធ្វើការសួរនាំប្រាកដមែន ដោយអនុវត្តតាមបទបញ្ជារបស់នាយឧត្តមសេនីយ៍ សៅ សុខា អគ្គមេបញ្ជាការរង និងជាមេបញ្ជាការកងរាជអាវុធហត្ថលើផ្ទៃប្រទេស។

អាវុធហត្ថដែលត្រូវបានយកទៅសួរនាំនោះមាន វរសេនីយ៍ឯក ង៉ែត ចាន់ធី មេបញ្ជាការរងកងរាជអាវុធហត្ថខេត្តតាកែវ, អនុសេនីយ៍ទោ លុយ សារុំ នាយសេនាធិការមូលដ្ឋានកងរាជអាវុធហត្ថស្រុកត្រាំកក់ និងអនុសេនីយ៍ត្រី ស៊ិន សុវណ្ណារិទ្ធ តួនាទីជំនួយការការិយាល័យគ្រឿងញៀនខេត្ត។

អ្នកនាំពាក្យកងរាជអាវុធហត្ថលើផ្ទៃប្រទេស លោកឧត្តមសេនីយ៍ត្រី អេង ហ៊ី បានបញ្ជាក់ថា កម្លាំងជំនាញពិតជាបាននាំខ្លួននាយអាវុធហត្ថទាំង៣នាក់ ទៅធ្វើការសួរនាំប្រាកដមែន ពាក់ព័ន្ធករណីគ្រឿងញៀន។ ប៉ុន្ដែចំពោះនីតិវិធីបន្ដយ៉ាងណានោះ លោកបញ្ជាក់ថា នៅពេលបញ្ចប់ការសួរនាំ កងរាជអាវុធហត្ថលើផ្ទៃប្រទេស នឹងចេញសេចក្ដីប្រកាសព័ត៌មានផ្លូវការ ៕
https://youtu.be/1NpMY-XtTuE

អត្ថបទ​ផ្សេងៗ​ទៀត
  • ប៉ូលិសដេញចាប់ចោរប្លន់ម៉ូតូដល់ក្នុងព្រៃមាត់ស្ទឹងព្រែកត្នោតឃាត់ខ្លួនបាន២នាក់
  • មនុស្ស២នាក់បានស្លាប់ដោយគ្រោះថ្នាក់ចរាចរណ៍លើផ្លូវ​ល្បឿនលឿន
  • កំណើនភ្ញៀវទេសចរក្នុងខេត្តមណ្ឌលគិរីនិងកំពង់ស្ពឺក្នុងឱកាសបុណ្យឆ្លងឆ្នាំសកល
  • ថ្ងៃឆ្លងឆ្នាំសាកល២០២៤ -២០២៥ ទេសចរមកលេងកម្សាន្ត ក្នុងខេត្តពោធិ៍សាត់ ជិត១ម៉ឺន៥ពាន់នាក់
  • ភ្ញៀវទេសចរជាង៣ម៉ឺននាក់ ទៅលេងបុណ្យឆ្លងឆ្នាំសាកល២០២៤ -២០២៥ នៅខេត្តកំពង់ឆ្នាំង
  • ព័ត៌មានថ្មីសម្រាប់ថ្ងៃទី៣១ ខែធ្នូ ឆ្នាំ២០២៤
  • កីឡាករប្រដាល់ខ្មែរបានផ្ដួលកីឡាប្រដាល់ជប៉ុនក្នុងទឹកទី១
  • ពេជ្រ សម្បត្តិ ចាញ់ ហ៊ីសៃ តៃមុ ដោយត្រូវអាជ្ញាកណ្ដាលបញ្ឈប់នៅទឹកទី៣
  • យុវសិស្សថ្នាក់ទី៩ម្នាក់ត្រូវក្មេងទំនើងមួយក្រុមយកដុំថ្មគប់បណ្តាលឲ្យស្លាប់នៅសង្កាត់ចាក់អង្រែក្រោម
  • គោលនយោបាយឈ្នះ-ឈ្នះ របស់សម្តេចតេជោ ហ៊ុន សែន គឺជាអត្ថន័យដ៏ធំធេងនៃទិវាសន្តិភាពនៅកម្ពុជា!
  • សេចក្ដីប្រកាសព័ត៌មានស្ដីពី វឌ្ឍនភាពការងារសាងសង់ផ្លូវក្រវាត់ព្រំដែន
  • ព័ត៌មានថ្មីសម្រាប់ថ្ងៃទី២៦ ខែធ្នូ ឆ្នាំ២០២៤
  • សារសម្លេងពិសេស សម្ដេចធិបតី ហ៊ុន ម៉ាណែត
  • រដ្ឋបាលខេត្តពោធិ៍សាត់ ចេញសេចក្តីជូនដំណឹង ស្តីពីការផ្អាកការបង្កបង្កើនផលស្រូវនៅរដូវប្រាំងលើកទី២
  • ព័ត៌មានថ្មីសម្រាប់ថ្ងៃទី២៤ ខែធ្នូ ឆ្នាំ២០២៤
  • រថយន្តដឹកដែកដឹកធ្ងន់ពេកឡើងចំណោទមិនរួចរអិលថយក្រោយបុកទ្វារផ្ទះនិងម៉ូតូកង់៣មួយគ្រឿងរងការខូចខាត
  • ដាំទឹកក្តៅទុកចោលផ្ទុះកំប៉ុងហ្គាសឆាបចេះសាសាឆាន់និងកុដិ១ខ្នង
  • សម្ព័ន្ធគ្រូពេទ្យស្ម័គ្រចិត្ត ស.ស.យ.ក ចុះពិនិត្យ និងព្យាបាលជំងឺដោយឥតគិតថ្លៃជូនប្រជាពលរដ្ឋ ខេត្តពោធិ៍សាត់
  • អភិបាលខេត្តពោធិ៍សាត់ ដឹកនាំចលនា សម្អាតអនាម័យ និងបរិស្ថាន នៅតាមដងផ្លូវក្នុងឃុំកំពង់ហ្លួង ស្រុកក្រគរ
  • សម្តេចតេជោ បិទសន្និបាតបូកសរុបលទ្ធផលការងារឆ្នាំ២០២៤ និងទិសដៅការងារបន្តរបស់គណៈចលនាមហាជនគណបក្សប្រជាជនកម្ពុជា