ប៊ែលហ្សិក៖សង្ស័យចំនួន១៦នាក់ត្រូវបានប៉ូលិសប៊ែលហ្សិកចាប់ខ្លួនដោយជាប់ពាក់ព័ន្ធករណីអំពើភេរវកម្មនៅកណ្តាលទីក្រុងប៉ារីស បន្ទាប់ពីប្រតិបត្តិការណ៍ដ៏ក្តៅគគុក។ នេះយោងតាមសេចត្តីរាយការណ៍របស់ប៉ូលិសប៊ែលហ្សិក។
ទីភ្នាក់ងារព័ត៌មានរបស់ចិនដែលបានចេញផ្សាយនៅថ្ងៃចន្ទ ទី២៣ ខែវិច្ឆិកា ឆ្នាំ ២០១៥ នេះបានបញ្ជាក់ទៀតថា ក្រុមជនសង្ស័យ ខាងលើនេះ ត្រូវបានចាប់ខ្លួននៅឯទីក្រុង ឆាឡឺរ៉យ នៃភាគខាងត្បូងប្រទេស ប៊ែលហ្សិក។ បើតាមការអះអាង ពីលោក រដ្ឋអាជ្ញាសហព័ន្ធប៊ែលហ្សិកឲ្យដឹងថា ជនទាំងឡាយត្រូវបានចាប់ខ្លួន កាលពីថ្ងៃអាទិត្យ និង ត្រូវបាននាំខ្លួនទៅសួរចម្លើយ។
គួរបញ្ជាក់ផងដែរថា ទីក្រុងប៉ារីស បានទទួលរងការវាយប្រហារ កាលពីជាង ១០ថ្ងៃកន្លងទៅ នេះ ដែលបាន បណ្តាលឲ្យមនុស្ស ១៣២នាក់បាត់បង់ជីវិត និង រាប់រយនាក់ទៀតរងរបួស។ ទង្វើនេះ ត្រូវបានគេជឿជាក់ថា ជាស្នាដៃរបស់ពួកឧទ្ទាមរដ្ឋអ៊ីស្លាម ISIS ដែលបានបង្វឹក ដង្កូវនៅក្នុងសាច់ ឲ្យធ្វើការវាយប្រហារអត្តឃាតនោះ៕
