ខេត្តកំពង់ស្ពឺៈ អ្នកភូមិប្រទះឃើញស្រ្តីវ័យចំណាស់ម្នាក់ដេកស្លាប់ក្នុងស្រែ កាលវេលាម៉ោង ១១ៈ១៥នាទីព្រឹក ថ្ងៃទី២៤ ខែវិច្ឆិកា ឆ្នាំ២០១៥ នៅក្នុងភូមិនរាណ៏ ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ។
ក្រុមគ្រួសារសពអោយដឹងថា ស្ត្រីរងគ្រោះខាងលើ មានឈ្មោះ ទូច ញឹក ភេទស្រី អាយុ៧១ឆ្នាំ រស់នៅភូមិនរាណ៏ ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ ដែលមុនពេលកើតហេតុ រូបគាត់បានដឹកគោទៅចងនៅម្ដុំកន្លែងកើតហេតុនោះ ក៏ប្រទះឃើញស្រ្តីនោះដេកស្លាប់ក្នុងស្រែបាត់ទៅហើយ។
សមត្ថកិច្ចបានធ្វើការពិនិត្យ ដោយរកឃើញថា ស្រ្តីរូបនេះត្រូវបានឃាតករវាយនឹងវត្ថុរឹង ចំក្បាលចំនួន៣កន្លែង រួចជាន់ពន្លិចក្នុងទឹកស្រែកឲ្យស្លាប់តែម្ដង។
ពាក់ព័ន្ធនឹងករណីខាងលើនេះ សមត្ថកិច្ចបានធ្វើឃាត់ខ្លួនជនសង្ស័យម្នាក់ដែលជាគូទំនាស់ដីធ្លីជាមួយជនរងគ្រោះ យកមកសួរនាំនៅស្នងការនគរបាល ខេត្តកំពង់ស្ពឺ រីឯសពជន សមត្ថកិច្ចបានប្រគល់អោយគ្រួសារ ធ្វើបុណ្យតាមប្រពៃណី៕
