ភ្នំពេញ៖រថយន្តដឹកទ្រុងកុងតឺន័រធ្វេសប្រហេសមិនបានចងរិតអោយបានត្រឹមត្រូវបានរអិលធ្លាក់ទ្រុងខណៈពេលឡើងចំណោត។ ហេតុការណ៍នេះកើតឡើងកាលពីវេលាម៉ោង១១ និង០០នាទីព្រឹកថ្ងៃទី០១ខែស៏ហាឆ្នាំ២០១៦ ស្ថិតនៅផ្លូវលេខ៤៨៨កែងនិងផ្លូ២៧១ សង្កាត់ផ្សារដើមថ្កូវ ខណ្ឌចំការមន។
ប្រភពព័ត៌មាននៅកន្លែងកើតហេតុបានអោយដឹងថា មុនពេលកើតហេតុគេឃើញរថយន្តធន់ធំម៉ាកហានដាយពណ៌សពាក់ស្លាកលេខភ្នំពេញ 3C8061បើកបរទិសដៅពីកើតទៅលិចលុះដល់ផ្លូវឡើងចំណោតក៏បានរអិលធ្លាក់ទ្រុងកុងតឺន័រធ្លាក់ចំពីលើក្បាលរថយន្តកាមម៉ារីបាឡែនពណ៌ស្ករពាក់លេខភ្នំពេញ2U. 7433. ដែលធ្វើដំណើរបញ្ច្រាស់ទិសគ្នចុះចំណោតសំណាងល្អអ្នកបើកបររួចផុតពីគ្រោះថ្នាក់។
ក្រោយពេលកើតហេតុអ្នកបើកបររថយន្តហានដាយបានដាក់មេប្រូចបិតសាប៊ូគូតដោយសុវត្ថភាព រថយន្តបង្ករនិងរថយន្តរងគ្រោះត្រូវនគរបាលចរាចរណ៍ខណ្ឌចំការមនសហការជាមួយនគរបាលចរាចរណ៍ក្រុងបានស្ទូចយករថយន្តទាំង២គ្រឿងទៅរក្សាទុកនៅការិយាល័យចរាចរណ៍ជើងគោករាជនីភ្នំពេញដើម្បីដោះស្រាយគ្នានៅពេលក្រោយ។
គួរបញ្ជាក់ផងដែរថា ប្រជាពលរដ្ឌដែលបានឃើញហេតុការណ៏បានរីះគន់ចំៗថាហេតុអ្វីបានជាបណ្តែតបណ្តោយអោយរថយន្តធន់ធំបែបនេះចូលក្រុងទាំងព្រឹកបែបនេះ នេះសំណាងល្អដែលសិស្សសាលាមិនទាន់ចេញពីរៀនបើសិនចំម៉ោងសិស្សចេញវិញមិនដឹងទៅជាយ៉ាងណានោះទេ៕
