ម្សិលមិញឃាត់ខ្លួនមនុស្ស២២នាក់ពាក់ព័ន្ធបទល្មើសគ្រឿងញៀន
រាជធានីភ្នំពេញ៖នៅថ្ងៃទី០៧ ខែសីហា ឆ្នាំ២០១៦ម្សិលមិញកម្លាំងនគរបាលបានបង្ក្រាបបទល្មើសជួញដូរ រក្សាទុក និងប្រើប្រាស់១១ករណី ឃាត់មនុស្ស២២នាក់ (ស្រី៣នាក់) ក្នុងនោះមុខសញ្ញាជួញដូរ១៥នាក់ និងមុខសញ្ញាប្រើប្រាស់៧នាក់ រឹបអូសមេតំហ្វេតាមីន(ice) ១៥.៦ក្រាម, ២កញ្ចប់ធំ និង១៩កញ្ចប់តូច និងមេតំហ្វេតាមីន (wy)៣គ្រាប់។ នេះបើតាមរបាយការណ៍របស់អគ្គស្នងការនគរបាលជាតិ។
របាយការណ៍ដដែលបញ្ជាក់ថា ជនសង្ស័យទាំងនោះ ត្រូវបានឃាត់ខ្លួននៅ ភ្នំពេញបង្ក្រាប២ករណីឃាត់ខ្លួន២នាក់, កណ្ដាល បង្ក្រាប២ករណីឃាត់ខ្លួន៤នាក់, កោះកុង បង្ក្រាប១ករណីឃាត់ខ្លួន២នាក់, កំពត បង្ក្រាប១ករណីឃាត់ខ្លួនម្នាក់, សៀមរាប បង្ក្រាប៤ករណីឃាត់ខ្លួន១២នាក់ និងព្រះវិហារ បង្ក្រាប១ករណីឃាត់ខ្លួនម្នាក់៕
