រថយន្តដឹកកម្មករបុកផ្ទះប្រជាពលរដ្ឋ របួសធ្ងន់ស្រាលជិត១០នាក់
ខេត្តកំពង់ឆ្នាំង៖យ៉ាងហោចណាស់មនុស្ស៧នាក់បានរងរបួសធ្ងន់ស្រាល បន្ទាប់រថយន្តដឹកកម្មករពី៤០ទៅ៥០នាក់ មួយគ្រឿងបុកចូលផ្ទះប្រជាពលរដ្ឋ រួចក្រឡាប់។ ហេតុការណ៍នេះកើតឡើងនាព្រឹកថ្ងៃទី៩ ខែសីហា ឆ្នាំ២០១៦នេះស្ថិតនៅតាមផ្លូវជាតិលេខ៥ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។
សមត្ថកិច្ចមូលដ្ឋានបានឲ្យដឹងថា មូលហេតុដែលនាំឲ្យមានគ្រោះថ្នាក់ចរាចរណ៍ខាងលើនេះ គឺបណ្តាលមកផ្លូវកោង ហើយអ្នកបើកបង្កើនល្បឿនពេក។ ប្រភពបញ្ជាក់ថា ក្រោយកើតហេតុជនរងគ្រោះ ដែលមានម្នាក់រងរបួសធ្ងន់នោះ ត្រូវបានគេជួយដឹកទៅកាន់មន្ទីរពេទ្យភ្លាមៗផងដែរ៕
