ខេត្តកណ្តាល៖បុរសជាអ្នកបើម៉ូតូម្នាក់បានរងគ្រោះស្លាប់បាត់បង់ជីវិតយ៉ាងអាណោចអាធ័ម នៅកណ្តាលថ្នល់ដោយសារគ្រោះថ្នាក់ចរាចរណ៍បើកម៉ូតូទៅបុកជាមួយរថយន្តពេញទំហឹងកាលពីវេលាម៉ោង១៩និង០០នាទីថ្ងៃទី២៥ ខែសីហា ឆ្នាំ២០១៦ នៅចន្លោះគីឡូម៉ែត្រលេខ២១.២២ស្ថិតនៅភូមិស្លាបតាអោន ឃុំគគីរ ស្រុកកៀនស្វាយ ខេត្តកណ្តាល។
សមត្ថកិច្ចប៉ូលិសបានឲ្យដឹងថា ជនរងគ្រោះមានឈ្មោះ សុខ ហ្វុង ភេទប្រុសអាយុ២២ឆ្នាំ(ខ្មែរ)មុខរបរកម្មករមានទីលំនៅភូមិដីឥដ្ឋកោះផុស ឃុំដីឥដ្ឋ ស្រុកកៀនស្វាយ ខេត្តកណ្តាល(ស្លាប់)ជនរងគ្រោះបានជិះម៉ូតូម៉ាកហុងដាC125ពណ៌ខ្មៅពាក់ស្លាកលេខភ្នំពេញ1AG.1620។ចំណែករថយន្តបង្កម៉ាកកាមរីបាឡែនពណ៌ទឹកប្រាក់ពាក់ស្លាកលេខភ្នំពេញ2AL.6989 អ្នកបើកបរមិនស្គាល់អត្តសញ្ញាណ។
ប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញជនរងគ្រោះបើកម៉ូតូក្នុងទិសដៅភ្នំពេញអ្នកលឿងមកដល់ចំណុចកើតហេតុខាងលើក៏ស្រាប់តែម៉ូតូបានទៅបុកជាមួយរថយន្តក្នុងទិសដៅច្រាសគ្នាចំពីមុខពេញទំហឹងបណ្តាលឲ្យជនរងគ្រោះដែលជាអ្នកបើកម៉ូតូស្លាប់នៅនឹងកន្លែងយ៉ាងអាណោចអាធ័ម ចំណែកអ្នកបើករថយន្តក្រោយកើតហេតុគ្រោះថ្នាក់ចរាចរណ៍រួចមកបានរត់គេចខ្លួនបាត់៕
