រាជធានីភ្នំពេញ៖មេខ្លោងជួញដូរគ្រឿងញៀនជនជាតិវេណេហ្ស៊ុយអេឡាម្នាក់ត្រូវបានកម្លាំងនគរបាលប្រឆាំងគ្រឿង នៃក្រសួងមហាផ្ទៃ សហការជាមួយមន្ដ្រីគយប្រចាំព្រលានយន្ដហោះអន្តរជាតិភ្នំពេញ បចាប់ខ្លួន និងដកហូតបានថ្នាំញៀន កូកេអ៊ីនជាង១គីឡូក្រាម។
អគ្គស្នងការរងនគរបាលជាតិ ទទួលផែនគ្រឿងញៀន លោកឧត្តមសេនីយ៍ឯក ម៉ក ជីតូ បានឲ្យដឹងថា មេខ្លោងគ្រឿងញៀន ដែលឃាត់ខ្លួននេះ ឈ្មោះ Loupez Alviarez Adelys Paola អាយុ២៣ឆ្នាំ ភេទស្រី ជនជាតិវេណេហ្ស៊ុយអេឡា កាន់លិខិតឆ្លងដែនលេខ១៣៨៤២០៧០ ក្នុងនោះកម្លាំងជំនាញ ដកហូតបាន ថ្នាំញៀនប្រភេទកូកាអ៊ីន ជាង១គីឡូក្រាម ដែលជនសង្ស័យនាំមកពីប្រទេសប្រេស៊ីល ចូលមកចរាចរនៅកម្ពុជា។ លោកឧត្តមសេនីយ៍ឯកបញ្ជាក់ថា ក្រោយពីឃាត់ខ្លួន ជនសង្ស័យត្រូវបានកម្លាំងជំនាញនាំខ្លួនទៅសាកសួរ ដើម្បីចាត់ការតាមនីតិវិធី៕
