នាំឃាតករ ជួប សម្លាប់ មកឲ្យតុលាការសាកសួរបន្ថែមទៀត
រាជធានីភ្នំពេញ៖នៅរសៀលថ្ងៃទី១៦ ខែកញ្ញា ឆ្នាំ២០១៦នេះ កម្លាំងសមត្ថកិច្ចបាននាំខ្លួនឃាតករដៃដល់ឈ្មោះ ជួប សម្លាប់ មកសាលាដំបូងរាជធានីភ្នំពេញ ដើម្បីសាកសួរបន្ថែមទៀត ទាក់ទងការសម្លាប់លោក កែម ឡី ។
គួរម្លឹកថា ជនដៃដល់ដែលដាក់រហ័សនាមខ្លួនឯងថា ជួប សម្លាប់ ត្រូវបានចៅក្រមស៊ើបសួរ នៃសាលាដំបូងរាជធានីភ្នំពេញ លោក សេង លាង សម្រេចឃុំខ្លួនជាបណ្តោះអាសន្ន កាលពីថ្ងៃទី១៣ ខែកក្កដា ឆ្នាំ២០១៦ ដោយចោទប្រកាន់ចំនួន២ករណី ដែលធ្វើឱ្យរូបគេប្រឈម នឹងការជាប់ពន្ធនាគារមួយជីវិតក្នុងនោះទី១ ពីបទឃាតកម្មគិតទុកជាមុន និងទី២ ជាបទ កាន់កាប់អាវុធគ្មានការអនុញ្ញាត៕
