ករណីបោកគ្រាប់បែកនៅបឹងកេងកង៣ ផ្តើមចេញពីរឿងស្នេហា
រាជធានីភ្នំពេញ៖ប្រភពពីមន្ត្រីប៉ូលិសព្រហ្មទណ្ឌក្រសួងមហាផ្ទៃ បានបង្ហើបឲ្យដឹងថា ករណីចោលគ្រាប់បែកដៃនៅលើផ្លូវ១៦៣ សង្កាត់បឹងកេងកងទី៣ ខណ្ឌចំការមន កាលពីយប់ថ្ងៃទី០៦ កញ្ញានោះ មិនមែនជាករណីអំពើភេរវកម្មនោះទេ ប៉ុន្តែជាករណីគំនុំសេ្នហាជាមួយស្ត្រីជនជាតិវៀតណាមម្នាក់មិនទាន់ស្គាល់អត្តសញ្ញាណ ។
សេចក្តីរាយការណ៍បានបន្តថា ក្រោយហេតុការណ៍នេះ សមត្ថកិច្ចបានបើកការស្រាវជ្រាវឈានទៅឃាត់ខ្លួនជនសង្ស័យបាន១០នាក់ជាបន្តបន្ទាប់ ប៉ុន្តែមានតែ០៥នាក់ប៉ុណ្ណោះពាក់ព័ន្ឋ ហើយនៅព្រឹកថ្ងៃទី២១ កញ្ញានេះ សមត្ថកិច្ចកំពុងសួរនាំជនសង្ស័យទាំង៥នាក់ដែលមិនទាន់ស្គាល់អត្តសញ្ញាណ នៅអគ្គស្នងការដ្ឋានគរបាលជាតិក្រសួងមហាផ្ទៃ៕
