ភ្នំពេញ៖ករណីផ្ទុះអាវុធ២គ្រាប់ទាំងថ្ងៃបណ្តាលអោយបុរសម្នាក់រងរបួសធ្លាយយពីម្ខាងទៅម្ខាងត្រូវបានបញ្ជូនទៅសង្គ្រោះនៅមន្ទីរពេទ្យលោកសង្ឃភ្លាមៗ ដែលហេតុការណ៍នេះកើតឡើងនៅខាងមុខវត្តស្ទឹងមានជ័យ ខណ្ឌមានជ័យ រាជធានីភ្នំពេញ។
ជនរងគ្រោះឈ្មោះ ទូច មករា អាយុ៣០ មុខរបររត់ម៉ូតូឌុប ស្នាក់ផ្ទះជួលមុខវត្តស្ទឹងមានជ័យ។
តាមសំដីអ្នកឃើញហេតុការណ៍នេះប្រាប់អោយដឹងថាមុនពេលមានការផ្ទុះអាវុធនេះគឺមានខ្មាន់កាំភ្លើងមានគ្នា២នាក់ជិះម៉ូតូតាមកៀរម៉ូតូជនរងគ្រោះពីក្រោយដែលជិះគ្នា២នាក់ឲ្យចូលក្នុងវត្តស្ទឹងមានជ័យតែជនសង្ស័យមិនព្រមទៅ រួចធ្វើសកម្មភាពបាញ់ប្រហារ២គ្រាប់បណ្តាលឲ្យធ្លាយពីម្ខាងទៅម្ខាង រងរបួសជាទម្ងន់ ត្រូវបញ្ជូនទៅសង្គ្រោះបន្ទាន់នៅមន្ទីរពេទ្យ។
គេនៅមិនទាន់ដឹងពីមូលហេតុពិតប្រាកដនៅឡើយទេ ។ ពេលនេះក្រុមជនសង្ស័យបានរត់គេចខ្លួនបាត់ដោយសុវត្ថិភាព៕
