ក្មេងស្រីម្នាក់ត្រូវរថយន្តបុក និងកិន ស្លាប់ភ្លាមៗ
ខេត្តកំពង់ធំ៖ក្មេងស្រីម្នាក់បានស្លាប់ភ្លាមៗនៅនឹងកន្លែងយ៉ាងអាណោចអាធ័ម ដោយសាររថយន្តធុនធំមួយគ្រឿងបុក និងកិន ដែលហេតុការណ៍នេះកើតឡើងកាលពីវេលាម៉ោង០៥ និង២០នាទីល្ងាច ថ្ងៃទី២៥ ខែកញ្ញា ឆ្នាំ២០១៦ ស្ថិតនៅផ្លូវលំ ភូមិអាត់ស៊ូ ឃុំប្រាសាទសំបូរ ស្រុកប្រាសាទសំបូរ ខេត្តកំពង់ធំ។
ប្រភពព័ត៌មានបានឲ្យដឹងថា មូលហេតុនៃគ្រោះថ្នាក់ចរាចរណ៍នោះ ដោយសារតែរថយន្ត រថយន្តធុនធំមួយគ្រឿង ពាក់ស្លាកលេខ កំពង់ធំ 3A-1183 បើកបរក្នុងល្បឿនលឿន ទៅបុកកិនក្មេងស្រីម្នាក់ ដែលរត់ឆ្លងផ្លូវ ទើបបណ្ដាលឲ្យស្លាប់ភ្លាមៗ នៅហ្នឹងកន្លែងតែម្តង៕
