ជនមិនស្គាល់មុខបាញ់សម្លាប់បុរសម្នាក់នៅកណ្តាលក្រុងសៀមរាប
ខេត្តសៀមរាប៖បុរសម្នាក់ត្រូវឃាតករបាញ់សម្លាប់នៅកណ្តាលក្រុងសៀមរាប ដោយមិនទាន់ដឹងមូលហេតុ នៅព្រឹកថ្ងៃទី២៧ ខែកញ្ញា ឆ្នាំ២០១៦នេះ ខណៈកម្លាំងសមត្ថកិច្ចពាក់ព័ន្ធបាននិងកំពុងធ្វើការស៊ើបអង្កេតករណីឃាតកម្មមួយនេះ។ហេតុការណ៍ភ្ញាក់ផ្អើលនេះបានកើតឡើងនៅចំណុច ក្រុមទី៤ ភូមិត្រពាំងរុន សង្កាត់អំពិល ក្រុងសៀមរាប។ លោកស្នងការរង បានបន្តថា “សម្រាប់មូលហេតុវិញ យើងមិនទាន់ដឹងនៅឡើយទេ ដោយកំពុងស្រាវជ្រាវសិន”។
សមត្ថកិច្ចមូលដ្ឋាន បានឲ្យដឹងថា ជនរងគ្រោះ ពាក់មួកពណ៌ខ្មៅ ស្លៀកខោកាបូយ ពណ៌ទឹកប៊ិច អាវពណ៌ខ្មៅ ហើយមានសាក់ រូបកងចាក់ នៅស្មារខាងឆ្វេង មានអាយុប្រហែលជិត ៣០ឆ្នាំ ។
បច្ចុប្បន្នសពជនរងគ្រោះ ត្រូវបានកម្លាំងជំនាញ កំពុងធ្វើការពិនិត្យ និងស្វែងរកសាច់ញាតិ ឲ្យមកទទួលយកទៅធ្វើបុណ្យតាមប្រពៃណី៕
