ដោយ៖ប៉ែន សុផល
បាត់ដំបង៖តាមរបាយការណ៍ពីខាងសមត្ថកិច្ចបានឲ្យដឹងថា មានប្រជាពលរដ្ឋបានរាយការណ៍កាលពីថ្ងៃទី៣ តុលា មកថា មានគេប្រទះឃើញគ្រាប់មិនទាន់ផ្ទុះ មានគ្រាប់B40 ចំនួន៤គ្រាប់ និងគ្រាប់៦០ចំនួន៧ គ្រាប់ និងម៉ីនតោន ចំនួន៣ គ្រាប់ ប៉ុន្តែបើតាមការចុះពិនិត្យ និងជាក់ស្តែងនោះគឺមានគ្រាប់៦០ មិនទាន់ផ្ទុះនិងប្រើការបានរីឯប៉ុន្មានគ្រាប់ទៀតមិនអាចបាន និងប្រភេទគ្រាប់ជាច្រើនផ្សេងទៀតមិនអាចប្រើការបាន ។
បើយោងតាមលោកអធិការស្រុកសង្កែបានឲ្យថាគ្រាប់ទាំងនោះគឺពលរដ្ឋបានប្រទះឃើញ និងប្រមូលផ្តុំយកមកទុកជាយូមកហើយ ប៉ុន្តែពួកគាត់ដោយមិនបានរាយការណ៍ទៅសមត្ថកិច្ច។ នៅព្រឹកថ្ងៃទី៤តុលាអង្គភាពបោះសម្អាតគ្រាប់ម៉ីនកម្ពុជា(CMAC) បានចុះដល់កន្លែងកើតដើម្បីធ្វើការត្រួតពិនិត្យនិងធ្វើសកម្មភាពរុករកនិងបោះសម្អាតជាបន្តទៀតនៅត្រង់ចំណុច ក្រុមទី១៧ ភូមិអូរមុនី ឃុំ
អន្លង់ ស្រុកសង្កែ ខេត្តបាត់ដំបង ។
បន្ទាប់ហេតុការណ៍បានបង្កឲ្យមានការភ្ញាក់ផ្អើល១ករណីសមត្ថកិច្ចជំនាញបានចុះដល់កន្លែងកើតហេតុនិងរៀបចំសំណុំឯកសាទៅតាមផ្លូវច្បាប់៕
