ដោយ៖ប៉ែន សុផល
បាត់ដំបង៖ជនសង្ស័យម្នាក់ត្រូវបានកម្លាំងកងរាជអាវុធហត្ថស្រុកសំពៅលូនឃាត់ខ្លួនកាលពីវេលាម៉ោង១៥ និង០០នាទី ថ្ងៃទី២៧ ខែតុលាឆ្នាំ២០១៦ នៅត្រង់ចំណុចភូមិអូរ ឃុំ សន្តិភាព ស្រុកសំពៅលូន ខេត្តបាត់ដំបង។
សមត្ថកិច្ចបានអោយដឹងថា ក្នុងកិច្ចប្រតិប្បត្តិការខាងលើលទ្ធផលជាក់ស្តែងកម្លាំងឃាត់បានជនសង្ស័យម្នាក់ ឈ្មោះ យ៉ាន់ នឿនភេទប្រុស អាយុ៣០ឆ្នាំ រស់នៅភូមិអូរ ឃុំសន្តិភាព ស្រុកសំពៅលូនខេត្តបាត់ដំបង។
ក្នុងនោះដែរជាលទ្ធផលសមត្ថកិច្ចរិបអូសវត្ថុតាងបានរួមមាន៖ថ្នាំញៀនប្រភេទមេតំហ្វេតាមីន(យ៉ាម៉ាWY)ចំនួន៥គ្រាប់, កាំភ្លើងកែឆ្នៃបាញ់គ្រាប់កង់ចំនួន១ដើម, ដែកឆាប១, កាំបិតស្នៀតចំនួន២, ដាវសាម៉ុយរ៉ៃចំនួន១ និងសម្ភារៈសំរាប់ជក់ថ្នាំញៀនមួយចំនួនទៀត។
បច្ចុប្បន្នជនសង្ស័យខាងលើរួមនិងវត្ថុតាងត្រូបានសមត្ថកិច្ចស្រុកសំពៅលូនកសាងសំណុំរឿងបញ្ជូនបន្តទៅទីបញ្ជាការកងរាជអាវុធហត្ថខេត្តដើម្បីចាត់ការទៅតាមផ្លូវច្បាប់៕
