ដោយ៖ប៉ែន សុផល
ខេត្តបាត់ដំបង៖ចុងភៅម្នាក់រងរបួសត្រង់ជើងបញ្ជួនទៅកាន់មន្ទីរពេទ្យបន្ទាប់ពីមន្ត្រីកងរាជអាវុធដៃដល់ម្នាក់បានប្រើកាំភ្លើងធុនកា៥៤បាញ់អោយរបួសព្រោះតែខឹងស៊ីផ្លេម៉ូតូស្ទើររាល់យប់មុខផ្ទះ។ ពត៌មានពីប្រជាពលរដ្ឋនៅកន្លែងកើតហេតុបានអោយដឹងថា ហេតុការបង្ករការភ្ញាក់ផ្អើលខាងលើកើតឡើងនៅវេលាម៉ោង១០ និង៣០នាទីយប់ ថ្ងៃទី៣១ ខែតុលា ឆ្នាំ២០១៦ក្នុងចំនុចក្រុមទី១៧ ភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
ជនដៃដល់ជាមន្ត្រីកងរាជអាវុធខេត្តឈ្មោះភាន រស់នៅកន្លែងកើតហេតុខាងលើ រីឯជនរងគ្រោះឈ្មោះព្រឿង រដ្ឋា ភេទប្រុស អាយុ២៤ឆ្នាំ របរជាចុងភៅក្នុងសណ្ឋាគារក្លាស៊ី មានទីលំនៅក្នុងភូមិស្តី ឃុំព្រែកនរិន្ទ ស្រុកឯកភ្នំ ខេត្តបាត់ដំបង។
ប្រពន្ធជនដៃដល់បានបញ្ជាក់ជនរងគ្រោះនៅយប់កើតហេតុបានឈប់ចតម៉ូតូនៅមុខផ្ទះរបស់ខ្លួនហើយបានស៊ីផ្លេម៉ូតូបង្ករការរំខានដំណេកស្ទើររាល់យប់និងពេលខ្លះទៀតរ៉ូម៉ូតូដើម្បីជាសញ្ញាហៅគូរកនដែលជួលផ្ទះស្នាក់នៅនៅក្បែរគ្នាទៀត។
បច្ចុប្បន្នកម្លាំងជំនាញនៃទីបញ្ជាការកងរាជខេត្តកំពុងស៊ើបសួរនិងធ្វើកំណត់ហេតុដើម្បីអោយជនដៃដល់ទទួលខុសត្រូវលើការប្រព្រឹត្តរបស់ខ្លួន៕
