ដោយ៖ប៉ែន សុផល
បាត់ដំបង៖កម្លាំងការិយាល័យប្រឆាំងគ្រឿងញៀនសហការជាមួយកម្លាំងអន្តរាគមន៍ប្រឆាំងបទល្មើសនៃស្នងការដ្ឋាននគរបាលខេត្តបាត់ដំបងបានចុះប្រតិបត្តិការបង្ក្រាបករណីជួញដូរថ្នាំញៀនមួយករណីកាលពីវេលាម៉ោង១៧ និង០០នាទីថ្ងៃទី១៥ ខែវិច្ឆិកា ឆ្នាំ២០១៦នៅចំណុចក្រុមទី១៧ ស្ថិតក្នុងភូមិនរា១ ឃុំនរា ស្រុកសង្កែ ខេត្តបាត់ដំបង។
លោកស៊ានសុណាល់នាយការិយាល័យប្រឆាំងគ្រឿងញៀនខេត្តបានបញ្ជាក់អោយដឹងថា៖ក្នុងកិច្ចប្រតិបត្តិការបង្ក្រាបករណីរក្សាទុកនិងជួញដូរថ្នាំញៀនខាងលើនេះជាលទ្ធិផលជាក់ស្ដែងកម្លាំងជំនាញបានធ្វើការឃាត់ខ្លួនជនសង្ស័យម្នាក់រួមនិងវត្ថុតាងថ្នាំញៀនមួយចំនួនកសាងសំណុំរឿងបញ្ជូនទៅតុលាកា។
លោកបន្តថា៖ជនសង្ស័យត្រូវបានឃាត់ខ្លួនឈ្មោះ លី ស៊ូគី ភេទប្រុស អាយុ២៤ឆ្នាំ មានទីលំនៅក្នុងភូមិនរា១ ឃុំនរា ស្រុកសង្កែ ខេត្តបាត់ដំបង ។
វត្ថុតាងដកហូតបានរួមមាន៖-ថ្នាំញៀនប្រភេទមេតំហ្វេតាមីន(ម៉ាទឹកកក)ចំនួន ១កញ្ចប់ ទម្ងន់ ១,១៧ ក្រាម ។ – ទូរស័ព្ទដៃចំនួន១គ្រឿង – កាបូបដាក់លុយចំនួន១។
បច្ចុប្បន្នជនសង្ស័យខាងលើរួម និងវត្ថុតាងត្រូវបានកម្លាំងជំនាញការិយាល័យប្រឆាំងគ្រឿងញៀនខេត្តកសាងសំណុំរឿងបញ្ជូនបន្តទៅកាន់តុលាកានៅរសៀលថ្ងៃទី១៦នេះដើម្បីចាត់ការទៅតាមផ្លូវច្បាប់៕
