លោក ញឹក ប៊ុនឆៃ គ្រោងចុះជួបអ្នកគាំទ្រនៅតាមមូលដ្ឋាន
រាជធានីភ្នំពេញ៖ប្រធានគណបក្សខ្មែររួបរួមជាតិ លោក ញឹក ប៊ុនឆៃ បានថ្លែងអះអាងថា មន្ត្រីរបស់គណបក្សបានត្រៀមខ្លួនរួចជាស្រេច ដើម្បីចាប់ផ្ដើមយុទ្ធនាការនៅដើមឆ្នាំក្រោយនេះ សំខាន់ចាប់ពីខែមករា ដោយរៀបចំការជួបប្រជុំ ជាមួយអ្នកគាំទ្រនៅមូលដ្ឋានទូទាំងប្រទេស។ លោកថា យុទ្ធនាការនោះអាចមានរយះពេល៥ខែ ដើម្បីស្វែងរកសន្លឹកឆ្នោត សម្រាប់ការបោះឆ្នោតឃុំ/សង្កាត់។
លោក ញឹក ប៊ុនឆៃ បានបង្ហាញនូវសុទិដ្ឋិនិយម ថា គណបក្សលោកនិងដណ្ដើមបានអាសនៈជាមេឃុំខ្លះ និងជំទប់ឃុំខ្លះនៅតាមមណ្ឌលបោះឆ្នោតមួយចំនួន។ ដោយហេតុថារហូតមកដល់ពេលនេះគណបក្សបានចេញប័ណ្ណសមាជិកបក្សជាផ្លូវការប្រមាណ ១០៥០០០ នាក់ រួចហើយ៕
