រាជធានីភ្នំពេញ៖នាយឧត្តមសេនីយ៍ស្នងការលោក ជួន សុវណ្ណ កាលពីពេលថ្មីៗនេះបានបញ្ជាឲ្យធ្វើតាមចាប់ខ្លួនមន្ត្រីនគរបាលចំនួន៥នាក់នៅខណ្ឌសែនសុខ ដែលបានប្រព្រឹត្តបទល្មើសគាបស៊ីលុយ និងម៉ូតូរបស់គេនៅពេលយប់។
ប្រភពព័ត៌មានបានឲ្យដឹងថា កាលពីយប់ថ្ងៃទី១៩ ខែវិច្ឆិកា ឆ្នាំ២០១៦ កម្លាំងនគរបាលផ្នែកអន្តរាគមន៍ខណ្ឌសែនសុខចំនយន៥នាក់បានជិះម៉ូតូចំនួន៣គ្រឿង ស្ទាក់កាក់ក្រុមយុវជន២នាក់កំពុងជិះម៉ូតូ ដោយគាបស៊ីយកលុយ ហើយយកម៉ូតូទៅបញ្ចាំយកលុយថែមទៀតផង។
ក្រោយលឺដំណឹងនេះ នាយឧត្តមសេនីយ៍ស្នងការលោក ជួន សុវណ្ណ បានបញ្ជាឲ្យចាប់ខ្លួនមន្ត្រីនគរបាលទាំង៥នាក់នោះ ហើយកាលពីល្ងាចថ្ងៃទី២២ ខែវិច្ឆិកា ឆ្នាំ២០១៦ មន្ត្រីនគរបាលទាំង៥នាក់នោះត្រូវបានបញ្ចូនទៅកាន់ស្នងការរដ្ឋាននគរបាលជាតិរាជធានីភ្នំពេញ ដើម្បីយកមកធ្វើការពិន័យតាមច្បាប់៕
