ដុតកាំជ្រួចលេង ផ្ទុះរបួសធ្ងន់ស្រាល៣នាក់នៅឆ្នេរអូរឈើទាល
ខេត្តព្រះសីហនុ៖មនុស្ស៣នាក់បានរងរបួសធ្ងន់ស្រាល គ្រាដែលគ្នាដុតកាំជ្រួចលេង នៅចំណុចឆ្នេរអូរឈើទាល ខេត្តព្រះសីហនុ ស្រាប់តែផ្ទុះ ដែលហេតុការណ៍នេះកើតឡើងនៅម៉ោង៨ និង៣០នាទីយប់ ថ្ងៃទី២ ខែធ្នូ ឆ្នាំ២០១៦នេះ នៅចំណុចឆ្នេរអូរឈើទាល តូបលេខ៩១១។
សមត្ថកិច្ចមូលដ្ឋានបានឲ្យដឹងថា ជនរងគ្រោះទី១ឈ្មោះ ហ៊ុន ច្រឹន ភេទប្រុស អាយុ៣៥ឆ្នាំ មានទីលំនៅស្រុកឈូក ខេត្តកំពត របួសបែកក្រដាស់ត្រចៀក, ជនរងគ្រោះ ទី២ឈ្មោះ ហ៊ុន ហ៊ន ភេទប្រុស អាយុ៣៣ឆ្នាំ រងរបួសស្រាល និងជនរងគ្រោះទី៣ឈ្មោះ អន ម៉ាន់ដាណី អាយុ៣ រស់នៅរាជធានីភ្នំពេញ រងរបួសធ្ងន់។
ក្រោយពេលកើតហេតុ ជនរងគ្រោះត្រូវបានបញ្ជូនទៅសង្គ្រោះ នៅមន្ទីរពេទ្យ៕
