ភ្នំពេញ៖ លោក ស៊ិន ច័ន្ទឆាយ៉ា កូនប្រុសរបស់ម្ចាស់អធិរាជសម្លេងមាស ស៊ិន សាមុត បានស្លាប់ដោយជំងឺដាច់សរសៃឈាមក្នុងខួរក្បាលនៅវេលាម៉ោង ១១:០០ នាទី ថ្ងៃទី២០ ខែមករា ឆ្នាំ២០១៥ នៅគេហដ្ឋានរបស់លោកនៅខណ្ឌទួលគោក។
លោក សុះ ម៉ាច ប្រធានសមាគមសិល្បករខ្មែរ បានឲ្យដឹងថា មុនកើតហេតុ លោក ស៊ីន ច័ន្ទឆាយ៉ា បានអញ្ជើញទៅផឹកកាហ្វេ នៅក្បែរផ្ទះដូចសព្វមួយដង។ ក្រោយត្រឡប់ពីផឹកកាហ្វេចូលដល់ក្នុងផ្ទះ ស្រាប់តែរអិលជើងដួលបោកក្បាល ដាច់សរសៃឈាមស្លាប់តែម្តង។បច្ចុប្បន្នសពរបស់លោក ស៊ីន ច័ន្ទឆាយា ត្រូវបានតម្កល់ធ្វើបុណ្យ នៅក្នុងគេហដ្ឋានស្ថិតក្នុង សង្កាត់ ទឹកល្អក់ទឹកទី ៣ ខណ្ឌទួលគោក។
លោកស៊ិន ច័ន្ទឆាយា មានអាយុ៥៧ ឆ្នាំ ដែលជាកូនទីពីររបស់លោកស៊ិន ស៊ីសាមុត។ លោកបាន រៀបអាពាហ៍ពិពាហ៍ជាមួយលោកស្រី សំ សាន ព្រមទាំងមានកូនបីនាក់ ប្រុស២ នាក់ និងស្រីម្នាក់៕
