រាជធានីភ្នំពេញ៖លោក សម រង្ស៊ី ដែលកំពុងនិទេសខ្លួននៅក្រៅប្រទេស បានលើកឡើងថា អ្នកដែលប៉ុនប៉ងបំបែករូបលោកចេញពីលោក កឹម សុខា គឺកំពុងតែយល់សប្តិសុទ្ធសាធ។ លោកថា សម រង្ស៊ី និង កឹម សុខា តំណាងឲ្យកិត្តិយស និងសេចក្តីថ្លៃថ្នូររបស់ប្រជារាស្ត្រខ្មែរ។
នៅលើទំព័រហ្វេសប៊ុករបស់លោក សម រង្ស៊ី លោកសរសេរថា រូបលោកនិងលោក កឹម សុខា មិនចាញ់សម្លុតគេ និងមិនលក់ខ្លួនឲ្យគេនោះទេ។ លោកបញ្ជាក់ថា កុលបុត្រខែ្មរទាំង២នាក់នេះបង្ហាញថា នៅមានកូនខ្មែរដ៏ឆ្នើមនិងថ្លៃថ្នូរដែលដាច់ខាតមិនចាញ់សម្លុតគេ និងមិនលក់ខ្លួនឲ្យគេ។ នរណាដែលកំពុងប៉ុនប៉ងបំបែក សម រង្ស៊ី ពី កឹម សុខា គឺកំពុងតែយល់សប្តិសុទ្ធសាធ។
គេមិនដឹងថា តើអ្នកណាដែលបំបែកបំបាក់លោក សម រង្ស៊ី និងលោក កឹម សុខា នោះទេ, ហើយក៏មិនដឹងថា តើលោក សម រង្ស៊ី ឬ អ្នកផ្សេងទៀតដែលកំពុងតែយល់សប្តិសុទ្ធសាធនោះ៕
