រាជធានីភ្នំពេញ៖២នាក់មីងក្មួយខណៈជិះម៉ូតូឌុបគ្នាទៅធ្វើការរោងចក្រស្រាប់តែជ្រុលទៅបុកខឿនសួនច្បារ បណ្តាលឱ្យផ្លោងមនុស្សធ្លាក់លើម៉ូតូខ្ទាតទៅកណ្តាលថ្នល់ ស្របពេលមានរថយន្តមួយគ្រឿងមកដល់ចាប់ហ្វ្រាំងមិនទាន់ ក៏កិនស្ត្រីដែលជាម្តាយមីងស្លាប់ និងក្មួយជាអ្នកឌុបរងរបួសស្រាល។ ហេតុការណ៍នេះកើតឡើងកាលពីវេលាម៉ោង០៦ និង០៥នាទីព្រឹកថ្ងៃទី១២ ខែមករា ឆ្នាំ២០១៧នេះស្ថិតត្រង់ចន្លោះស្ពាន៩-១០ ក្នុងភូមិក្តីចាស់ សង្កាត់បាក់ខែង ខណ្ឌជ្រោយចង្វា។
ប្រភពឱ្យដឹងថា ស្ត្រីដែលស្លាប់ឈ្មោះ រស់ រឿន អាយុ៣៤០ឆ្នាំ ជាកម្មការិនីរោងចក្រ រីឯក្មួយប្រុសរងរបួសស្រាលឈ្មោះ រដ្ឋា អាយុ២៤ឆ្នាំ ទាំង២នាក់មានស្រុកកំណើតនៅខេត្តកំពង់ចាម ជិះម៉ូតូម៉ាកស៊ុយហ្សូគីឡេត ពណ៌ស ស្លាកលេខកំពង់ចាម 1P-6025 ធ្វើដំណើរក្នុងទិសដៅពីជើងទៅត្បូង (ជិះចូលក្រុង)។ ចំណែកឯរថយន្តបង្កម៉ាកហ៊ីយ៉ាន់ដាយ ពាក់ស្លាកលេខ3A-3385 អ្នកបើកបរចុះរត់បាត់ភ្លាមៗ៕
