ដោយ៖ប៉ែន សុផល
បាត់ដំបង៖ជនសង្ស័យម្នាក់ត្រូវបានកម្លាំងអធិការដ្ឋាននគរបាលស្រុកបាណន់ចុះឃាត់ខ្លួនតាមដីកាលេខ២៤២តព្រ/១៦របស់ចៅក្រមស៊ើបសួរ លិ សុខា ពីបទជួញដូរដោយខុសច្បាប់នូវសារធាតុញៀន។ ហេតុការណ៍ចុះឃាត់ខ្លួនជនសង្ស័យករណីជួញដូរថ្នាំញៀនខាងលើនេះបានធ្វើឡើងកាលពីវេលា ម៉ោង១០ និង១៥នាទី ថ្ងៃទី១១ ខែមករា ឆ្នាំ២០១៧ នៅចំណុចភូមិភ្នំសំពៅកើត ឃុំភ្នំសំពៅ ស្រុកបាណន់ ខេត្តបាត់ដំបង។
សមត្ថកិច្ចប្រាប់ថា ជនសង្ស័យត្រូវបានឃាត់ខ្លួន ឈ្មោះ នូវ សារ៉ា ហៅ គ្រឹង ភេទប្រុស អាយុ២៩ឆ្នាំរស់នៅភូមិភ្នំសំពៅកើត ឃុំភ្នំសំពៅ ស្រុកបាណន់ ខេត្តបាត់ដំបង។ ក្នុងការចាប់ឃាត់ខ្លួនជនសង្ស័យខាងលើសមត្ថកិច្ចជំនាញឆែកឆេរនៅលើខ្លួនរកឃើញថ្នាំញៀន ម្សៅក្រាមពណ៌សចំនួន១កញ្ចប់
ថ្នាំគ្រាប់wyពណ៌ក្រហមចំនួន ៣គ្រាប់និងបន្តឆែកឆេរក្នុងលំនៅដ្ឋានរកឃើញ៖ អាវុធ AK ច្នៃចំនួន១ដើម បង់ចំនួន១ និងគ្រាប់ចំនួន៣៦គ្រាប់ ថ្នាំញៀនប្រភេទម៉ាទឹកកកចំនួន២កញ្ចប់ ជញ្ជីងថ្លឹងថ្នាំញៀនលក់ចំនួន១ កង់ម៉ូតូចំនួន៣ ស្លាកលេខម៉ូតូចំនួន២ របាំងច្រវាក់ចំនួន១សំរាប់ កាងម៉ូតូចំនួន១ អាវនគរបាលចំនួន២ឈុត អាវយ៉ឺតអាវុធហត្ថចំនួន១ និងខោប៉ារ៉ាចំនួន១។
បច្ចប្បន្នជនសង្ស័យរួមនិងវត្ថុតាងត្រូវបានកសាងសំណុំរឿង បញ្ជូនបន្តទៅកាន់ការិយាល័យជំនាញខេត្តដើម្បីចាត់ការតាមនីតិវិធី៕
