កូនស្រីលង់ទឹកស្លាប់ទាំងពីរ ឪពុកម្តាយរន្ធត់ចិត្តនិយាយមិនចេញ
ខេត្តកំពង់ស្ពឺ៖ឪពុកម្តាយរន្ធត់ចិត្តយ៉ាងខ្លាំងរកនិយាយមិនចេញ បន្ទាប់កូនស្រី២នាក់បានលង់ទឹកប្រឡាយស្លាប់បាត់បង់ជីវិត ដែលករណីនេះកើតឡើងកាលពីវេលាម៉ោង៥ល្ងាច ថ្ងៃទី២៩ ខែមករា ឆ្នាំ២០១៧ ត្រង់ចំណុចប្រឡាយទឹកពាមល្វា ស្ថិតនៅភូមិល្ងឹម ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
ក្មេងស្រីរងគ្រោះមានឈ្មោះទី១-សួរ ស្រីតូច ភេទស្រី អាយុ៥ឆ្នាំ និងទី២ ឈ្មោះ អេម ស្រីនៀត ភេទស្រី អាយុ៥ ឆ្នាំ រស់នៅ ភូមិល្ងឹម ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ហើយពួកគេបាននាំគ្នាដើរលេងនៅចំណុចខាងលើក៏បានចុះមុជទឹក ក៏បណ្ដាលឲ្យលង់ទឹកស្លាប់តែម្ដង។ ចំពោះមូលហេតុក្មេងស្រីទាំង២ដើរទៅទីនោះរហូតលង់ទឹកស្លាប់រង់ចាំការស្រាវជ្រាវបន្ត ចំណែកសាកសពត្រូវបានប្រគល់អោយទៅក្រុមគ្រួសារយកទៅធ្វើបុណ្យតាមប្រពៃណី៕
