សម្តេចតេជោព្រមានអ្នកចង់បំផ្លាញសន្តិភាព និងធ្វើបដិវត្តន៍ពណ៌ឲ្យត្រៀមមឈូស
រាជធានីភ្នំពេញ៖សម្តេច ហ៊ុន សែន បានថ្លែងសារព្រមានជាថ្មីទៀត ចំពោះអ្នកដែលចង់បំផ្លាញសន្តិភាព ដែលរកបាកដោយលំបាកនៅកម្ពុជា និងអ្នកចង់ធ្វើបដិវត្តពណ៌ សូមឲ្យត្រៀមក្តារមឈូស ឲ្យហើយទៅ។ សម្តេចបញ្ជាក់ថា ប្រទេសកម្ពុជា បានឆ្លងកាត់សោកនាដកម្មច្រើនពេកហើយ ដូចជា នៅសុខៗ នាំគ្នា ធ្វើរដ្ឋប្រហារទម្លាក់សម្តេចព្រះនរោត្តម សីហនុ បង្កសង្គ្រាមពេញប្រទេស ។ អញ្ចឹងទម្រាំរកបានសន្តិភាព តើស្លាប់អស់មនុស្សប៉ុន្មានហើយ ។
សម្តេចអះអាងថា ទោះក្នុងតម្លៃណាក៏ដោយ ត្រូវរក្សាសន្តិភាពឲ្យបាន ព្រោះសន្តិភាព គឺរកបានដោយលំបាកខ្លាំងណាស់ និងឆ្លងកាត់សោកនាដកម្មជាច្រើនមិនអាចគណនាបាន ៕
