ដោយ៖ វិធិន
ក្រចេះ៖កម្លាំងនគរបាលប៉ុស្តិ៍រដ្ឋបាលស្វាយជ្រះសហការជាមួយនគរបាលព្រហ្មទណ្ឌស្រុកស្នួល ប្រដេញស្ទាក់ចាប់ខ្លួនជនសង្ស័យបានម្នាក់ភ្លាមៗក្នុងចំណោមបក្ខពួក២នាក់ បន្ទាប់ពីពួកគេបានធ្វើសកម្មភាពលួចម៉ូតូឌ្រីមសង់មួយគ្រឿង ដោយម្នាក់ទៀតរត់គេចខ្លួនបាត់ ។
ករណីអំពើលួចកាច់សោរ.ក ម៉ូតូនេះធ្វើឡើងកាលពីព្រឹកថ្ងៃទី២០ ខែ កុម្ភៈ ឆ្នាំ២០១៧ នៅចំណុចស្ពានតេ ឃុំស្វាយជ្រះ ស្រុកស្នួល ខេត្តក្រចេះ ។
ជនសង្ស័យដែលបានឃាត់ខ្លួនឈ្មោះ ជីប ជាតិ អាយុ២៣ឆ្នាំ មុខរបរមិនពិតប្រាកដ រស់នៅភូមិព្រែកជ្រីវ ឃុំសែនដី ស្រុកសំរោងទង ខេត្តកំពង់ស្ពឺ ។
បន្ទាប់មកកម្លាំងសមត្ថកិច្ចបានឃាត់ខ្លួនរួមទាំង វត្ថុតាងមានម៉ួតូ០១គ្រឿងម៉ាក ឌ្រីមសង់125ឆ្នាំ 2014 ព័ណខ្មៅ គ្មានស្លាកលេខជាមធ្យោបាយ របស់ជនមានតម្រុយជិះធ្វើសកម្មភាពនិងស្លាកលេខក្រចេះ1B-7822 ជារបស់ជនរងគ្រោះ។ រីឯម៉ូតូរបស់ជនរងគ្រោះម៉ាកឌ្រីមសង់១២៥ ស៊េរីឆ្នាំ២០១៣ ពណ៌ខ្មៅស្លាកលេខក្រ ចេះ1B-7822 ត្រូវបានបក្សពួកម្នាក់ ទៀតឈ្មោះ អោ ប៊ុត ភេទប្រុស អាយុ២៤ឆ្នាំ មានទីលំនៅភូមិឃុំជាមួយគ្នាបានជិះគេចខ្លួនយកទៅបាត់។
បច្ចុប្បន្ន ជនមានតម្រុយខាងលើត្រូវបានឃាត់ខ្លួនបណ្តោះអាសន្ននៅអធិការដ្ឋាន នគរបាលស្រុកស្នួល ដើម្បីកសាងសំណុំរឿងបញ្ជូនទៅជំនាញខេត្តបន្តតាមនីតិវិធី៕
