ស្លាប់១០នាក់ របួស៣៨នាក់ ករណីរថយន្តដឹកស៊ីម៉ង់ត៍បុករថយន្តក្រុង
ប៉េកាំង៖ទីភ្នាក់ងារព័ត៌មានចិន ស៊ិនហួរ ចេញផ្សាយនៅព្រឹកថ្ងៃសុក្រថា មានករណីគ្រោះថ្នាក់ចរាចរណ៍ដ៏រន្ធត់កើតឡើងនៅខេត្ត Yunnan ភាគនិរតីនៃប្រទេសចិនយប់មិញរវាងរថយន្តដឹកស៊ីម៉ង់ត៍ បុករថយន្តក្រុងបណ្តាលឲ្យមនុស្សចំនួន១០នាក់ស្លាប់ និង៣៨នាក់ផ្សេងទៀតបានទទួលរងរបួស។
អាជ្ញាធរក្នុងតំបន់កើតហេតុនៅព្រឹកថ្ងៃសុក្រនេះ ករណីគ្រោះថ្នាក់ចរាចរណ៍ខាងលើ បានកើតឡើងនាវេលាម៉ោង១១ និង៣៣នាទីអធ្រាត្រ នៅលើមហាវិថីមួយកន្លែងក្នុងតំបន់ Yunxian នៃទីក្រុង Lancang។ អាជ្ញាធរបន្តថា មនុស្សចំនួន០៩នាក់បានបាត់បង់ជីវិតនៅនឹងកន្លែងតែម្តង និងម្នាក់ទៀតបានស្លាប់នៅឯមន្ទីរពេទ្យ។ អាជ្ញាធរបញ្ជាក់ថា លើរថយន្តក្រុងនោះមានផ្ទុកមនុស្សចំនួន៤៧នាក់រួមទាំងអ្នកបើកបរចំនួនពីរនាក់ផងដែរ៕
