ផ្ទះសំណាក់ «ស៊ុន សេន» កន្លែងជួញដូរគ្រឿងញៀនយ៉ាងសកម្ម
រាជធានីភ្នំពេញ៖ផ្ទះសំណាក់យីហោ «ស៊ុន សេន» បានក្លាយជាកន្លែងជួញដូរគ្រឿងយ៉ាងសកម្ម ខណៈដែលជនសង្ស័យជាមុខសញ្ញាជួញដូរគ្រឿងញៀនម្នាក់ ត្រូវបានកម្លាំងនគរបាលប៉ុស្តិ៍ស្រះចក ចាប់ឃាត់ខ្លួន ក្នុងប្រតិបត្តិការបង្ក្រាបគ្រឿងញៀនមួយ ឡើងកាលពីវេលាម៉ោង០៤ និង៤៥នាទីល្ងាច ថ្ងៃទី០៦ មីនា ស្ថិតលើផ្លូវលេខ៩៣ ភូមិ១៩ ក្នុងសង្កាត់ស្រះចក ខណ្ឌដូនពេញ។
ជនសង្ស័យឈ្មោះសុខ ដន ហៅអយ អាយុ៣៥ឆ្នាំ ជាអ្នកហៅម៉ូយរថយន្ត ស្នាក់នៅក្នុងផ្ទះសំណាក់ខាងលើ មានស្រុកកំណើតនៅភូមិតាសែន ឃុំស៊ីទិព្វ ស្រុកជើងព្រៃ ខេត្តកំពង់ចាម ។ ដោយមានការសហការល្អពីប្រជាពលរដ្ឋនៅក្នុងមូលដ្ឋាននោះ ដោយបានដឹងថា បុរសជាជនស្ស័យខាងលើ កំពុងតែយកផ្ទះសំណាក់នេះ ដើម្បីធ្វើសកម្មភាពជួញដូរគ្រឿងញៀន៕
